@shahdmohamed04544: "النهاردة 10 - 7 - 2026* فات سنة على آخر يوم امتحانات... ثانوية عامة 2025. فات سنة على اليوم اللي طلعت فيه من اللجنة الأخيرة وعيوني فيها دمعتين... دمعة على 3 سنين خلصوا واللمة اللي مش هتكرر ودمعة على حلم كنت شايلاه في قلبي... طب أسنان. كنت طالعة واثقة إني تعبت. سهرت وبكيت واتكسرت وقمت تاني... عشان حلمي. كنت بقول "معلشي... عشان هبقا دكتورة أسنان" كنت متخيلة نفسي بالبالطو الأبيض. كنت كاتبة اسمي على باب عيادة في دماغي. بس المجموع مجاش. وخذلني معاه كل التعب ده. سنة عدت... سنة وأنا بضحك وبقول "عادي" وسنة وأنا بالليل بعيط وبقول "طب ليه أنا؟" أنا مش ندمانة إني حاولت. أنا فخورة إني ما وقعتش في نص الطريق. أنا فخورة إني دخلت كل الامتحانات وراسي مرفوعة. ما دخلتش طب أسنان... بس دخلت في قلبي وجع كبير. بس لسه واقفة. ولسه هحقق حلم تاني. فات سنة على آخر امتحان وعلى أول حلم ضاع بس أنا لسه مكملة."

718

2026-07-10 08:43:57

2026-07-10 14:24:13

2026-07-10 10:06:31

2026-07-10 07:48:56

2026-07-10 08:28:51

To see more videos from user @shahdmohamed04544, please go to the Tikwm homepage.