Replying to @NaNa إذا رايحة من محطة القطار على مطار كوبنهاغن، هاي هي الخطوات: 1. أول ما توصلي بالقطار، هلق صار النزول من فوق، مش من تحت متل قبل. بتطلعي بالأسانسير أو بالإسكالاتور وبتكوني دغري بقلب المطار. 2. دوري على التيرمينال اللي رح تطلعي منه (Terminal 2 أو Terminal 3 حسب رحلتك). 3. انزلي على الطابق اللي فيه كاونترات الـ Check-in، وروحي على شاشات الرحلات. رقم رحلتك أو دوري عليها، وبتشوفي أي كاونتر لازم توقفي عنده. 4. من الأفضل تكوني بالمطار قبل الرحلة بحوالي 3 ساعات، خصوصاً إذا معك شنطة رح تشحنيها. أول ما يفتح الكاونتر، بتعملي Check-in وبتسلمي أغراضك. 5. بعد ما تخلصي، اطلعي على الطابق اللي فوق باتجاه الـ Security Check. 6. انتبهي ما يكون معك سوائل أكبر من الحجم المسموح، وحطي السوائل الصغيرة كلها بكيس شفاف. 7. الميزة الجديدة إنه ما عاد في داعي تطلعي اللابتوب أو الآيباد من الشنطة، خليهم جواتها ومرقي عادي. 8. بعد ما تخلصي من التفتيش، بتوصلي على منطقة الـ Duty Free. إذا حابة تتسوقي بتقدري، وإذا لأ بتكملي طريقك. 9. شيكي على شاشات الرحلات مرة تانية لتعرفي رقم الـ Gate تبعك، وروحي لعنده قبل بوقت. اقعدي واستني لحد ما يبلش الـ Boarding. 10. أول ما ينادوا على رحلتك، بتطلعي على الطيارة بكل بساطة. بصراحة، الإجراءات بمطار كوبنهاغن صارت أسهل وأسرع من قبل، وإذا حضرتي قبل بوقت، غالباً كل شي بيمشي بسلاسة. #trend #travel #سفر #كوبنهاغن - @hoody.doody2025