@bahlawi_medhanit1: ​መዝሙር 79 (፸፱) ​ኖላዊ ሆሙ ለእስራኤል አጽምእ፤ ዘይመርሆ ከመ አባግዕ ለዮሴፍ፤ ዘይነብር ላዕለ ኪሩቤል አስተርኢ። በቅድመ ኤፍሬም ወብንያም ወምናሴ፤ አንቅሕ ኃይለከ ወንዓ አድኅነነ። እግዚኦ አምላከ ኃይላት ሚጠነ፤ ወአስተርኢ ገጸከ ወንሕየው። እግዚኦ አምላከ ኃይላት፤ እስከ ማእዜኑ ትተኵዝ ላዕለ ጸሎተ ገብርከ። ሲሳየ አንብዕ ሲሳየነ፤ ወአስተፌኸነ አንብዓ በሰፈር። ረሰይከነ መስተጻረረ ለጐረባብቲነ፤ ወተሣለቁ ላዕሌነ ጸላዕትነ። እግዚኦ አምላከ ኃይላት ሚጠነ፤ ወአስተርኢ ገጸከ ወንሕየው። ሶረ ወይን እምግብፅ አፍለስከ፤ ሰደድከ አሕዛበ ወተከልካ። ወረሰይከ ፍኖተ ቅድሜሃ፤ ወተከልከ አሥራውሃ ወመልአ ምድረ። ወከደነ አድባረ ጽላሎታ፤ ወአዕጹቂሃሰ ከመ አርዘ እግዚአብሔር። ፈነወት አዕጹቂሃ እስከ ባሕር፤ ወእስከ አፍላግ ሰራጕዛ። ለምንትኑ ነሠትከ ዓጸዳ፤ ወቀረጽዋ ኵሎሙ ኃለፍት ፍኖት። አማሰና ሐራዊ ገዳም፤ ወአራዊተ ገዳምኒ በልዕዋ። እግዚኦ አምላከ ኃይላት ሚጥ ገጸከ፥ እምሰማይ ወርአይ፤ ወተሣሃላ ለዛቲ ወይን። ወአጽንዓ ለዛቲ እንተ ተከላ የማንከ፤ ወላዕለ ወልደ እጓለ እመሕያው ዘአጽናዕከ ለከ። ውዑይ በእሳት ወኵሩይ፤ ወእምተግሣጸ ገጽከ ይጥፍኡ። ለትኩን እዴከ ላዕለ ብእሲ የማንከ፤ ወላዕለ ወልደ እጓለ እመሕያው ዘአጽናዕከ ለከ። ወኢንትገሐሥ እምኔከ፤ አሕይወነ ወንጼውዕ ስመከ። እግዚኦ አምላከ ኃይላት ሚጠነ፤ ወአስተርኢ ገጸከ ወንሕየው።

0913342591 መሪጌታ ብርሃኑ

Open In TikTok:

Region: ET

Friday 10 July 2026 13:22:34 GMT