@amermaher5: غيرت أورسيل الكرنك ولسه بيجيب زيت السبب ممكن يكون مش في الأورسيل كتير من الناس تغير أورسيل الكرنك مرة واتنين وتلاتة، وفي كل مرة الزيت يرجع ينزل مع إن المشكلة الحقيقية ممكن تكون في حتة تانية خالص. الكرنك المفروض يلف داخل الموتور في محور ثابت، لكن ما ينفعش يكون بيتحرك لقدام ولورا. لو فيه خلوص في الكراسي الاسترشادية أو تآكل في الثراست بيرنج هتلاقي الكرنك بيتحرك حركة أمامية وخلفية مع التشغيل. الحركة دي بتخلي أورسيل الكرنك يشتغل في ظروف غير طبيعية ومع الوقت يتآكل بسرعة ويبدأ يهرب زيت مهما ركبت أورسيل جديد أو حتى أصلي. قبل ما تغير أورسيل الكرنك مرة تانية، افحص الخلوص الطولي للكرنك الأول، لأن إصلاح السبب الحقيقي يوفر عليك وقت وفلوس ويمنع تكرار نفس العطل. #امير_ماهر #تعلم #صلحها_بنفسك #سيارات #فيرنا @🚦 امير ماهر @🚦 امير ماهر @🚦 امير ماهر

🚦 امير ماهر

Open In TikTok:

Region: EG

Friday 10 July 2026 13:26:04 GMT