@amermaher5: هتعمل جلد صباب؟ ولا شنبر؟ استنى الأول وشوف الموتور! ناس كتير بتيجي تقول: العربية بتاكل زيت، اعمل لها جلد صباب... أو ركب لها طقم شنبر. طيب... تعال الأول نفتح ونشوف. بعد ما فكينا الموتور لقينا فعلًا جلد الصباب تالف، وده سبب من أسباب أكل الزيت. لكن لما بصينا على السلندرات لقينا فيها عتبة واضحة، لدرجة إن ضفري بيقف فيها وبيعلق. يبقى لو ركبت جلد صباب جديد أو غيرت الشنابر بس، أنا كده بضحك على صاحب العربية. هتمشي شهرين أو تلاتة أو أربعة بالكتير، وبعدها هترجع تاكل زيت من تاني، لأنه ما اتصلحش أصل المشكلة. الصح إنك طالما فتحت الموتور، تعمله على أصوله. تفحص كل حاجة، وتقيس الخلوصات، وتشوف حالة السلندرات، وبعدها تحدد الإصلاح المناسب. الصيانة الصح مش إنك تغيّر قطعة وخلاص... الصيانة الصح إنك تعالج سبب العطل من جذوره، علشان العربية تخرج من عندك تعيش، مش ترجع بعد كام شهر بنفس المشكلة #امير_ماهر #تعلم #صلحها_بنفسك #سيارات #هونداي @🚦 امير ماهر @🚦 امير ماهر @🚦 امير ماهر

🚦 امير ماهر

Open In TikTok:

Region: EG

Friday 10 July 2026 13:50:54 GMT