خیانەت هەر لە گۆڕینی دڵ دەست پێ ناکات، لەو چرکەساتەوە دەست پێدەکات کە ڕاستگۆیی دەمرێت و درۆ شوێنی دەگرێتەوە. ئەوەی دڵی تۆ دەشکێنێت، هەرگیز ئەو کەسە نییە کە ناتناسێت بەڵکو ئەوەیە کە ڕۆژێک پێتی وت هەرگیز جێت ناهێڵم مرۆڤ:) هەندێک جار بە هەموو دڵی خۆی متمانە بە کەسێک دەکات، بەڵام هەر ئەو کەسە دەبێتە هۆکاری شکانی هەموو ئەو متمانەیە. زۆر قورسە کاتێک بزانیت ئەو دەستانەی بە ئارامی دڵت دەگرت، هەمان دەستن کە دواتر فڕێیان دایتە ناو تاریکی. خەمەکەی خیانەت تەنها لە جێهێشتندا نییە، بەڵکو لەوەدایە کە هەموو ئەو بیرەوەری و بەڵێنانەی بە جوانی بنیاتنرابوون، لە یەک ساتدا دەبنە هیچ. دوای خیانەت مرۆڤ جارێکی تر بە ئاسانی متمانە ناکات، نە لەبەر ئەوەی دڵی ڕەق بووە، بەڵکو لەبەر ئەوەی دەزانێت شکانی دڵ چەند ئازار بەخشییە. هەندێک کەس دەتفڕۆشن بە چەند چرکەیەک لەگەڵ کەسێکی تر، بەبێ ئەوەی بیر لەو شەوانە بکەنەوە کە تۆ بە هیوایان خەوتوویت. ئەوان دەڕۆن و دەزانن کە تۆ لە پشت خۆیان فرمێسکت شاردووە، بەڵام هەرگیز نازانن هەر فرمێسکێک بەشێک لە ڕۆحت لەگەڵ خۆی دەبات. هەندێک برین بە ساڵان چاک نابن، چونکە لەسەر جەستە نین، لە ناو دڵ و ڕۆحن. ئەوەی بە ڕاستی خۆشدەوێت، هەرگیز نیازی شکاندنی دڵی ئەو کەسەی نییە کە خۆشی دەوێت؛ بەڵام ئەوەی خیانەت دەکات، نرخی دڵی کەس نازانێت. لە کۆتاییدا، مرۆڤ فێردەبێت کە هەموو خەڵک شایستەی ئەو متمانەیە نین کە بە بێ سنوور پێیان دەبەخشیت، و هەندێک جار گەورەترین وانەی ژیان لە دڵێکی شکاودا دەنووسرێت، نە لە کتێبێکدا. #foryoupage #actives? #foryou - @dauua01