@idinaelbakry: تفتكر هو تجنبي ولامتلاعب ؟ في فرق كبير بين التجنبي والمتلاعب وقت المواجهة. التجنبي لما يتواجه غالبًا بيهرب. يقفل الموضوع. يغير الكلام. يختفي. أو يقولك: “آسف.” “حقك عليا.” “أنا غلطان.” مش دايمًا لأنه فهم الوجع لكن لأنه عايز الضغط يخلص. المواجهة بالنسباله خطر. دوشة. وجع مش عارف يتعامل معاه. أما المتلاعب فدي لعبة تانية. المتلاعب نادرًا ما يعترف إنه غلطان، إلا لو حس إنه هيخسر حاجة كبيرة. لكن في المواجهات العادية، غالبًا يعمل واحدة من 3 حاجات: ينكر. يهاجم. أو يقلب نفسه ضحية. تواجهه بموقف واضح يقولك: “محصلش.” “إنت فاهم غلط.” “إنت بتألف.” تواجهه بإحساسكيهاجمك: “إنت حساس.” “إنت نكدي.” “إنت اللي بوظت العلاقة.” أو فجأة يقلب نفسه ضحية فتلاقي نفسك بدل ما تطلب حقك، بقيت بتطبطب عليه. وهنا الفرق الحقيقي: التجنبي بيهرب من المواجهة علشان مش قادر يتحملها. لكن المتلاعب بيحوّل المواجهة للعبة علشان يكسبها. واحد بيقفل الباب علشان يهرب. والتاني بيقلب الترابيزة علشان يسيطر. علشان كده بعد كل مواجهة اسأل نفسك: أنا خرجت فاهم؟ ولا خرجت شاكك في نفسي؟ أنا اتسمعت؟ ولا بقيت أنا المذنب؟ أنا أخدت حقي؟ ولا لقيت نفسي بعتذر عن وجعي؟ الإجابة هتقولك كتير. لو المواجهة معاه دايمًا بتخليك تشك في نفسك اكتبلي في الكومنت: لعبة تقدر دلوقتي تحجز مكانك في محاضرة كيف تراوض متلاعب "بسعر خاص " للحجز والاستفسار :01022689502 #fy #Relationship #toxic #استشارات #توكسيك

Dina El Bakry

Open In TikTok:

Region: EG

Friday 10 July 2026 17:39:39 GMT