@ragadmohammed250: (ماقسمتي) الكلمه دي لو ختيتها مبدأ في حياتك حتكون مرتاح نفسيا والله..! كمية الراحة والمواساة البتشعر بيها في الكلمة دي كفيلة انو تنسيك كل حزنك و ندمك على كل حاجة خسرتها في الدنيا دي.. ح تكون إنسان قنوع شديد.. وبتحسسك انو ربنا داسيك للأفضل وانو ربنا حيجيب ليك عوض ينسيك كل الخسرتو.. حقيقي عِوض ربنا مافي زيو لانو ربنا بيختار لينا الافضل دايما وقناعتنا بالحاجة الخلتنا او الخليناها دي هي البتجدد شعاع الامل بانو الجاي أحلى. نحنا الحاجة البتخلينا نتأثر في حياتنا إنو ما عندنا مبدأ القناعة.. عارفه لمن تكوني قنوعه دا دلالة على كمال إيمانك بي ربنا وحقيقي إنو القناعة كنز.... خليك عارفه إنو في قدرة سماوية عظيمة مرتبة حياتنا دي بي طريقة دقيقة جداً ما ممكن يتصورها العقل البشري.. لو الانسان عارف رزقو وقسمتو بتجيهو كيف كان خجل من إنو يعصي ربنا مثقال ذرة. #في_أخر_المطاف طول ما إنت عايش بي مبدأ "ما قسمتي" حتكون متصالح مع نفسك تماماً وموقن إنو خيرها في غيرها والقاسمو ليك الكريم عمرو مابفوتك وزي ما بقولو الرضا بالمقسوم عبادة..♥

103

2026-07-10 17:46:01

2026-07-10 17:51:15

To see more videos from user @ragadmohammed250, please go to the Tikwm homepage.