میں نے اکثر بیٹیوں کو عمر سے پہلے بڑا ہوتے دیکھا ہے۔ وہ گڑیوں سے نہیں کھیلتی رہتیں، وہ اپنے ہی گھر کے موسم پڑھنا سیکھ جاتی ہیں… باپ کے قدموں کی آہٹ سے اندازہ لگا لیتی ہیں کہ آج گھر میں سکون ہوگا یا قیامت۔ پھر ایک دن وہ ہنسنا کم کر دیتی ہیں، اپنی بات کہنا چھوڑ دیتی ہیں، اور سب کو لگتا ہے کہ بیٹی سمجھدار ہو گئی ہے… حالانکہ حقیقت یہ ہوتی ہے کہ وہ صرف اندر سے تھک چکی ہوتی ہے۔ میں اپنی بیٹی کو یہ وراثت کبھی نہیں دوں گا۔ نہ خاموشیوں کا بوجھ، نہ رشتوں کا خوف، نہ یہ احساس کہ اس کی زندگی دوسروں کی غلطیوں کا کفارہ ہے۔ میں اسے کبھی کسی ٹوٹتے ہوئے خاندان کو جوڑے رکھنے کا ذریعہ نہیں بناؤں گا، نہ خاندان کی عزت کے نام پر اس کی مرضی چھینوں گا، نہ زبردستی کی شادی کو اس کی قسمت کہہ کر اس کی خواہشوں کو دفن کروں گا۔ کیونکہ بیٹیاں رشتے بچانے کی قیمت نہیں ہوتیں۔ وہ بھی خواب رکھتی ہیں، اپنی پسند رکھتی ہیں، اور ایک باوقار زندگی جینے کا حق رکھتی ہیں۔ میں چاہتا ہوں میری بیٹی یہ یقین لے کر بڑی ہو کہ گھر انسان کو توڑنے کے لیے نہیں، سنبھالنے کے لیے ہوتے ہیں۔ #fyp #foryou #viral #foryoupage #unfrezzmyaccount - @favouritetoy1