*پریس ریلیز مورخہ 10 جولائی 2026* *دورہ چوک بازار کے صدر سعد اللہ صافی کی کوششوں سے دو فریقین کے درمیان کامیاب راضی نامہ، بھائی چارے اور امن کی فضا بحال* *پشاور () دورہ چوک بازار کے صدر سعد اللہ صافی نے ایک بار پھر اپنی سماجی ذمہ داری نبھاتے ہوئے دو فریقین کے درمیان پیدا ہونے والے تنازعے کو خوش اسلوبی سے حل کروا کر علاقے میں امن، بھائی چارے اور باہمی احترام کی ایک بہترین مثال قائم کی۔* *تفصیلات کے مطابق فریق اول حبیب خان اور فریق دوئم مسکین خان کے درمیان معمولی بات پر تنازعہ پیدا ہوگیا تھا، جس میں مسکین خان زخمی ہو کر حبیب خان فریق پر ایف آئی آر درج رجسٹر ہوا جس سے دونوں خاندانوں میں کشیدگی کا خدشہ پیدا ہوگیا۔ معاملے کی حساسیت کو مدنظر رکھتے ہوئے دورہ چوک بازار کے صدر سعد اللہ صافی نے فوری طور پر مصالحتی کردار ادا کیا۔* *اس موقع پر سابقہ ڈسٹرکٹ ممبر ندیم اتمان خیل، صدر محمد رحمان اور طاہر خان سمیت دیگر جرگہ ممبران بھی سعد اللہ صافی کے ہمراہ موجود تھے۔ جرگہ نے دونوں فریقین سے مکمل وکالت اور اختیار حاصل کرنے کے بعد انہیں ایک ہی چھت تلے بٹھایا اور تحمل، بردباری اور افہام و تفہیم کے ذریعے معاملے کو خوش اسلوبی سے حل کیا۔* *جرگہ کے سامنے دونوں فریقین نے تمام اختلافات ختم کرتے ہوئے ایک دوسرے کو بغل گیر کیا اور فی سبیل اللہ ایک دوسرے کو معاف کرنے کا اعلان کیا۔ اس موقع پر دونوں فریقین نے اس عزم کا اظہار کیا کہ وہ آئندہ ہر قسم کے اختلافات کو باہمی گفت و شنید کے ذریعے حل کریں گے، امن، محبت اور بھائی چارے کی فضا کو فروغ دیں گے اور ایک دوسرے کے حقوق و احترام کا ہمیشہ خیال رکھیں گے۔* *دورہ چوک بازار کے صدر سعد اللہ صافی نے اس موقع پر کہا کہ معاشرے میں پائیدار امن، برداشت، رواداری اور باہمی احترام ہی ترقی کی ضمانت ہیں۔ انہوں نے کہا کہ جرگہ نظام ہماری روایات کا اہم حصہ ہے اور معمولی تنازعات کو عدالتوں اور دشمنیوں کی نذر کرنے کے بجائے باہمی گفت و شنید اور مفاہمت سے حل کرنا وقت کی اہم ضرورت ہے۔* *آخر میں حبیب خان اور مسکین خان نے دورہ چوک بازار کے صدر سعد اللہ صافی، سابقہ ڈسٹرکٹ ممبر ندیم اتمان خیل، صدر محمد رحمان، طاہر خان اور دیگر جرگہ ممبران کا دلی شکریہ ادا کرتے ہوئے کہا کہ ان کی مخلصانہ کوششوں سے ایک ممکنہ تنازع خوش اسلوبی سے ختم ہوا، جس سے نہ صرف دونوں خاندانوں بلکہ پورے علاقے میں امن اور بھائی چارے کی فضا مزید مضبوط ہوئی۔* #behindthescenes #behtareen #1millionaudition #Peshawar - @saadullah28