@abagastar: بعد مرات بتكون عاوز زول مُعين يكون جنبك عشان يطّمِنك 🥺. يقول ليك : كفاية تعاني براك .. أرمي حيلك عليّ وأنا بسنِـدك بجيك شعور إنك عاوزو معاك عشان يقول ليك : -ما تشيل هم كل لـ حاجة أنا هنا جنبك. -كل حاجة حتعدي. -احكي لي مالك في شنو؟ -كيف تزعل وأنا جنبك. -ما بخليك براااك حتى لو قلت عاوز تكون براك. -ما مشكلة احكي الجوطة الجواك وأنا بحاول أرتِبَك ! لحظات الحزن البنعيشها بتكون هينة شديد لما نتشاركها ما الناس البنحبهم والبنرتاح لوجودهم ! كلمة بسيطة منهم بتكون قادرة إنها تمحي كل الحزن المُسيطر علينا. حوجتك للزول دا ما عشان أنت ما قادر تطلع من الإنت فيهو أو عاجز مثلاً ! حوجتك ليهو بتكون عشان محتاج كلمة حلوة تطّمِنك .. زول يقول ليك " أنا هنا عشانك وبحبك ". وجودو جنبك ساي بكون جبر خاطر وراحة بال. وصدقوني كلمة " أنا جنبك وبحبك " قادرة تّطّمِن أي زول مّليان بالخوف. المشاركة بتكون لطيفة لما تلقى الطرف التاني فاتح ليك قلبو ! وقتها من غير ما تحِس حتلقى روحك جاري ليهو عشان تحكي ليهو كل حاجة بتخصك عشان بس تلقى عندو الأمان. لما يزورني الحُزن بفكر أدق بابك وألجأ ليك عشان تطّمِني؛ بس بخاف وبتراجع ! #عند_الحافة #اختار_صاح #من_القلب #سودانيز #مشاهير_تيك_توك

سكره ☕🤎

Open In TikTok:

Region: SD

Friday 10 July 2026 19:40:47 GMT