گەر ڕۆژێک پرسیاریان لێکردیت مرۆڤ چۆن دەمرێت بەبێ ئەوەی ڕوح لە جەستەی دەربچێت، سەیری ناوچاویان بکە و پێیان بڵێ ، من کوڕێکم ئاشقی خۆم کرد کوڕێک کە هەموو تەمەنی لە پێناوی پێکەنین و خۆشبەختی من دادەنا دڵی هەمووی پڕ بوو لە من. کاتێک بەرماڵی ڕادەخست و دەستی بە دوعا کردن دەکرد سەرەتاو کۆتایی دوعاکانی من بووم. کاتێک بەیانیان چاوەکانی هەڵدەهێنا بە خەواڵویەوە بەیانی بەشێکی لێدەکردم کە هیچ شاعیرێک بەو جۆرە نەی دەنووسی لەگەڵ سروەی بەیاندا بە ناوی منەوە دەستی بە ڕۆژەکە دەکرد و بە تەواوی لاپەڕەکانی ئەدەبی کوردیدا دەگەڕا بۆ ئەوەی وشە جوانەکان بە من بڵێ ، پێیان بڵێ من کەسێکم کوشت و نەم ناشت پێیان بڵێ من کەسێکم کوشت و ڕوحی دەرنەچوو ، باخێکی پڕ لە بەرهەمم سیس و شک کرد ، ڕووناکایی ژیانیم کوژاندەوە و تاریکایم پێبەخشی ، پێیان بڵێ لەلوتەکەی ئومێد و جوانیدا بێ ئومێد و نابووتم کرد، پێیان بڵێ ئەو هەموو کاتێک ڕۆژی لەدایک بوونی منی لەبیر بوو دەیان کیلۆمەتری دەبڕی بۆ ئەوەی بێت و بم بینێت بەڵام من پەردەی بەردەم پەنجەرەکەی خۆمم لا نەدەدا بۆ بینینی ، پێیان بڵێ و سەیری ناوچاویان بکەو بڵێ من بە دەستێک کە ئاڵقەیەکی لە پەنجەدا بوو کوشتم ، پێیان بڵێ هەرکاتێک هەستم بە دڵتەنگی و نا ئومێدی دەکرد هیچ پەناو کەسێکم نەدەما هەمیشە دەرگای بۆ دەکردمەوە ، کاتێک فرمێسک لە چاوەکانم دەهات فرمێسکەکانی بۆ دەسڕیم و پێکەنینی دەخستە سەر لێوەکانم بڵێ هەرگیز خیانەتی لێ نەدەکردم و چاوی کەسی دیکەی نە دەبینی ، بڵێ هەموو سوتفەکانی ڕێک دەخست و هەموو شتێکی دەکرد بۆ ئەوەی من ببینێ ، پێیان بڵێ کاتێک من لە کاتی خوێندندا بووم و بێ ئومێد دەبووم لە شتێک ئەو ئومێدی بۆ دەگەڕاندمەوە و زیندووی دەکردمەوە پێیان بڵێ کاتێک منداڵەکەی ناو ناخمی دەبینی یاری لەگەڵ دەکرد و ژیری دەکرد ، پێیان بڵێ هێندە عاشقی من بوو شارۆچکە و و گەڕەکەکە و دراوسێکانیشمانی خۆشدەویست، تەنانەت کاتێک لە سەفەرێکی دوور دەهاتەوە بەبێ دیاری نەدەهاتەوە بیرمە جارێکیان دیاریەکی بۆم هێنابوو بەڵام من هەرگیز لێم وەرنەگرت و دڵیم شکاند دووبارە ، بەڵام من ئەو ملوانکەیەی ئەو بە دیاری بۆی هێنابووم لە ڕۆژی نیشانەکردنەکەمدا لەملم کرد بۆ کەسێکی دیکە... پێیان بڵێ پێیان بڵێ سەیری ناوچاویان بکەو هەموو ئەوانەیان پێ بڵێ. پێیان بڵێ "من مرۆڤێکم بەو شێوەیە کوشت بەڵام ڕوحی دەرنەچوو." #rawezh #fyp - @kollara_