الرد على @7_elo_1 البارت 53 بس مانطاني كلبي اعوف الستره مالته واروح ف اخذتها بسرعه وخليتها ويه ملابسي ونزلت وداني خالو علي لماما ومر يومين اني يم ماما صح اتونست ومرتاحه يمها كلش بس احس بنقص كلش جبير بداخلي جنت الهي روحي بلجهاز حتى أشرد من خياله الي صار يلاحكني حتى بنومي وسترته ماكدر انام الا احضنها واستنشق عطرها بيت ماما جان ملاذي هدوء وذكريات طفولة بس حتى هدوء بيت ماما ما گدر يطرد طيفه من بالي ملامحه جانت محفورة بعقلي عبالي من ابتعد عنه ارتاح بس بلعكس صار يشغل تفكيري اكثر واكثر جنت أتخيل صوته وهو يكول"مَـلك" أتخيل قوة إيده وهي تلفني بسترته وأتخيل خزره عيونه الي بس هيه اتخليني احس بشعور الخوف وحنيته واهتمامه همست لروحي "ليش هوه؟"ودمعة حارة نزلت على خدي چنت أفكر بـكل تفاصيله عقلي جان يحذرني ملاك هذا سلطان مو لعبه ومو شخص سهل بس گلبي گلبي جان متمرد جان يريد يروحله يريد يحس بـذاك الأمان القاسي اللي احس بي بس من اصير بحضنه جانت الساعه ب1 بلليل ماتحملت هذا البعد والاشتياق ماشفت روحي الا دخلت على اسمه ودست اتصال صار يرن وگلبي يدك ويه كل رنه بس مديشيل داريد اسد الاتصال واجاني صوته الخشن الهادي اليريح اعصابي"مَـلك"دمعت عيوني مشتاقتله مشتاقه لأسمي بلسانه ماحجيت بقيت ساكته وهو ساكت بس صوت طكه الجداحه وانفاسه داسمعهن الضاهر ديدخن ماتحملت شهكت همس بصوت تعبان "جايج بابا جايج"سديت الاتصال واني امسح دموعي طلعت للحديقه اتنفس لان اختنكت واني دانتضر جيته على نار ربع ساعه وكفخني عطره بلهوه عرفت اجه وثواني وانفتح الباب ودخل هو بطوله ابتسمت من بين دموعي لا ارادي من شفته...عيونه باوعتلي بقلق واتقدم عليه بخطوات ثكيله وعيونه تمشي على طولي بخوف وقلق صار مقابيلي ضبط بدون سابق انذار رفعت جسمي على اطراف اصابعي وحضنته انصدم وجسمه اتصلب بقيت حاضنته واشهك خلاني على راحتي وره شويه يلا بادلني الحضن ودفن وجهه بشعري حسيته ديسحب نفس من شعري ودقايق وبعدني عنه عيونه حمر يباوعلي بقلق مسح دموعي بأبهامه وهمس"شبيج بـابـا شليتي گلبي ليش تبجين"همست بصوت خافت مشتاقتلك ضل صافن بوجهي مبهوت مسحت وجهي وعدلت شعري كتله اقصد مشتاقتلكم ابتعدت عنه ودخلت جوه داجيبله مي رجعتله لكيته واكف يدخن وفاتح كم دكمه من قميصه انطيته كلاص المي شربه مره وحده وعيونه بعيوني حسيته ديفكر ماعرف بشنو كال مرتاحه هنا كتله مامقصرين وياي بشي بس اني داضوج هنا"كال بحنيه"ليش"همست ماعرف كال"ترجعين وياي"دمعت وهمست بصوت خافت اي صفن بعيوني ثواني وابتسم وكال"يلا بـويه انتضرج"دخلت للبيت واحس الفرحه مساعيتني لميت غراضي بسرعه وتركت رساله صوتيه لماما انو حرجع للبيت وطلعت لكيته منتجي ع السياره شافني اخذ الغراض مني برزانه وخلاهم بلسياره وركبت بلسياره طول الطريق هدوء داريد انزل الجامه بس متنزل واحاول بيها ثواني وحسيت بصدره العريض قريب عليه كلش ومد ايده نزل الجامه بهدوء عيوني لا ارادي صارت بعيونه الحاده نزلت عيوني بأرتباك وسحبت نفس عميق من عطره يالله شكد مشتاقتله صفنت من ابتعد عني بسرعه وفتح دكمه قميصه وفتح جامته للاخير ضليت صافنه الجو بارد مو حار.... - @m_2000_13