@mdldl03: وداعية تهز ضلوع صدر العاشق الولهان وداعَ فيه من صدق الحزن مالا ينسيني فمان اللّٰه وعيون السهر في وداعة الرحمن فمان اللّٰه يأول من سكن من بيني وبيني فمان اللّٰه يا آخر جرح دامي و أول الخلان فمان اللّٰه يا ملح القصيد وباقي سنيني فمان اللّٰه يا من لك بقلبي مرتع وموطان ولك بين الضلوع العوج بيت ولك عناويني عليك أرسل مراسيل الغرام بلهفة الأحزان وأتوق لرد يذبح طاري الفرقا ويحييني وأنادي يا فلان أقرا الرسائل طالبك يا فلان وليفي شفّ غرامك ويش سوا في شراييني وأعرف إنك قريت اللي كتبت وفي بعض الاحيان تشوف الواردات ولا ترد ولا تحاكيني وأنا ماني سفيه وماقفي ما يقبل السفهان ولا أقبل كل شخص يفرد ضلوعي ويكويني ياكود أنت الوحيد أسامحك وأغليك مهما كان قسم بالله ما قبلك حد لأجله بكت عيني عطاك اللّٰه من أوصاف الجمال الطاغي الفتان وعطيتك معظم شعور الغلا من دون تعطيني تعبت أراقبك وأطرد سرابك تايه وضميان أسوق الرجل وأقدار الزمن صوبك توديني ودريت إنك لغيري وأنفجر وسط الصدر شريان رحلت وقلت يا نبض الغلا وينك وأنا ويني بموت من الحزن ومن الفراق ومن جفا الخلان لكني لو بموت أهون ولا طرد المقفيني فمان اللّٰه هاك آخر قصيدة مالها عنوان ولكن طالبك لا أقفيت عني لا تخليني.
