@hsanmi21: လူတစ်ယောက်ဟာ သူမကျေနပ်တဲ့ ကိစ္စတစ်ခုကို ထပ်ခါထပ်ခါ ပြောနေပြီဆိုရင်..." သူ ဇာတ်လမ်းရှာနေတာ မဟုတ်ပါဘူး။ အေးအေးဆေးဆေး ပြီးသွားနိုင်တဲ့ကိစ္စကို တမင်သက်သက် ပုံကြီးချဲ့ပြီး အာရုံနောက်အောင် လုပ်နေတာလည်း မဟုတ်ပါဘူး။ တကယ်တော့... အဲဒီအကြောင်းအရာကြောင့်၊ အဲဒီဖြစ်ရပ်ကြောင့် သူ ဘယ်လောက်အထိ နာကျင်ခံစားနေရတယ်ဆိုတာကို တစ်ဖက်လူကို "သိစေချင်လွန်းလို့" ပါ။ ကျွန်တော်တို့ဟာ ကိုယ် သိပ်မခံစားရတဲ့ကိစ္စဆိုရင် တစ်ခါပြောပြီး မေ့ပစ်လိုက်လို့ ရပါတယ်။ ဒါပေမဲ့ ရင်ဘတ်ထဲအထိ နက်နက်ရှိုင်းရှိုင်း ထိခိုက်သွားတဲ့ ဒဏ်ရာမျိုးကျတော့ လွယ်လွယ်နဲ့ လွှတ်ချဖို့ ခက်ခဲသွားတတ်ပါတယ်။ နှုတ်ကနေ ထပ်ခါထပ်ခါ ထွက်နေမိတယ်ဆိုတာ စိတ်ထဲကနေ အဲဒီအနာတရကို မေ့ဖျောက်လို့မရသေးတဲ့ သဘောပါပဲ။ သူ အဲဒီလို ထပ်ခါထပ်ခါ ပြောနေရတဲ့အထဲမှာ "ငါ့ကို နားလည်ပေးပါ၊ ငါ့ခံစားချက်ကို အသိအမှတ်ပြုပေးပါ၊ ငါ တကယ် စိတ်မကောင်းဖြစ်ရလို့ပါ" ဆိုတဲ့ တောင်းဆိုသံတွေ ကပ်ပါနေတတ်ပါတယ်။ ဒါကို တစ်ဖက်လူက နားမလည်ဘဲ "ပြီးပြီးသားကိစ္စကို ဘာလို့ ခဏခဏ ပြန်ပြောနေတာလဲ" ဆိုပြီး စိတ်ပျက်လက်ပျက် တုံ့ပြန်လိုက်တဲ့အခါ အဲဒီလူမှာ ဒဏ်ရာအပေါ် ဒဏ်ရာဆင့်ပြီး ပိုလို့တောင် အားငယ်သွားရတတ်ပါတယ်။ ချစ်ခြင်းမေတ္တာ၊ ခင်မင်မှုဆိုတာ တစ်ဖက်လူရဲ့ ပျော်ရွှင်မှုကိုတင်မကဘဲ သူ ထပ်ခါထပ်ခါ ညည်းညူနေမိတဲ့ နာကျင်မှုတွေကိုပါ စိတ်ရှည်လက်ရှည်နဲ့ နားထောင်ပေးနိုင်ခြင်း ဖြစ်ပါတယ်။ ဒါကြောင့် သင့်အနားကလူတစ်ယောက်က ကိစ္စတစ်ခုကိုပဲ ထပ်ခါထပ်ခါ လာပြောနေတယ်ဆိုရင် စိတ်မဆိုးပါနဲ့ဦး။ အပြစ်တင်မယ့်အစား သူ့လက်ကို ဆုပ်ကိုင်ပြီး... "နင် တကယ် ခံစားနေရမှာပဲနော်၊ ငါ နားလည်ပါတယ်" ဆိုတဲ့ စကားတစ်ခွန်းလေးနဲ့တင် သူ့ရင်ထဲက အပူတွေ ငြိမ်းအေးသွားနိုင်ပါတယ်...။ #fypppppppppppppppppppppppp #creatorsearchinsights2026 #fypシ゚ #sadstory #crdစာသား

Hsanmi

Open In TikTok:

Region: TH

Saturday 11 July 2026 06:05:07 GMT