@tanzaniaembassyinoman: Jana nilifanya mazungumzo muhimu na Mawakala wa Ajira nchini Oman wanaoratibu ujio wa wadada wa kazi za nyumbani—ambalo ndilo kundi kubwa la Watanzania waliopo hapa. Tulijadili kwa uwazi changamoto na wajibu wa wafanyakazi, mawakala, na waajiri. Mambo makuu tuliyokubaliana: 1️⃣ Mikataba na Ulinzi wa Kisheria: Ubalozi utaongeza mikataba ya nyongeza ili kulinda haki za mwajiri na mwajiriwa. Itaainisha wazi kima cha chini cha mshahara, bima ya afya, muda wa kazi/mapumziko, likizo, kiinua mgongo (gratuity), na tiketi ya kurudi nyumbani. Tulisisitiza mikataba hii iheshimiwe na kuwepo kwa uwajibikaji wa kisheria kwa pande zote. 2️⃣ Maandalizi Kabla ya Safari: Kuandaa wadada wetu kabla ya kusafiri ili wajue mila, desturi, mazingira ya kazi ya Oman, na matumizi ya vitendea kazi vya kisasa. 3️⃣ Kikao Kazi cha Pamoja: Kufanya kikao kikubwa kitakachojumuisha Mawakala, Ubalozi, pamoja na Wizara na Taasisi za Serikali za Tanzania na Oman zinazosimamia masuala ya Ajira. Lengo ni kukomesha unyanyasaji unaofanywa na baadhi ya waajiri, kudhibiti utovu wa adabu au uvunjifu wa sheria kwa baadhi ya wasichana, pamoja na kuwashughulikia maajenti wasio waaminifu. Lengo letu kuu ni kutokomeza usafirishaji haramu wa binadamu, kulinda taswira ya nchi yetu, na kuimarisha uhusiano mzuri wa kidiplomasia kati ya Tanzania na Oman. Ubalozi utashukuru kupata maoni yenu ya ziada; je, ni nini zaidi kifanyike ili kuhakikisha tija na ufanisi kwenye jambo hili? Toa maoni yako hapa chini 👇🏾

Tanzania Embassy In Oman

Open In TikTok:

Region: OM

Saturday 11 July 2026 11:51:55 GMT