ایک غم سے تو نکلنے دیا کر اے زندگی، ہم کونسا کہیں بھاگے جا رہے ہیں کہ تو سکون سے سانس لینے کی مہلت بھی نہیں دے رہی۔ ہر صبح یہی لگتا ہے کہ آج شاید دل کو سکون مل جائے گا لیکن نہیں ہم نے کبھی شکایت نہیں کی تھی کہ راستے کٹھن ہیں، بس اتنا چاہا تھا کہ چلنے کے لیے تھوڑی سی زمین ہموار مل جائے۔ لوگ کہتے ہیں وقت سب بھلا دیتا ہے، پر یہ وقت تو بھلانے کے بہانے روز نیا درد یاد کروا دیتا ہے۔ دل میں اتنے سوال جمع ہو گئے ہیں کہ جواب مانگو تو آنکھیں جواب میں بہہ پڑتی ہیں۔ ہم نے ہر بار خود کو سمجھایا کہ چھوڑو، آگے بڑھو، پر آگے کا ہر موڑ پچھلے موڑ سے زیادہ سنسان نکلا. ہم نے محبت کو بھی آزمایا، دوستی کو بھی، رشتوں کو بھی، پر ہر جگہ حساب کتاب کے بعد ہی اپنائیت ملی۔ کبھی سوچتے ہیں کہ شاید ہم ہی غلط ہیں، شاید ہم سے ہی جینے کا سلیقہ نہیں سیکھا گیا۔ مگر پھر دل کہتا ہے کہ غلطی ہماری نہیں تھی، ہم نے بس بہت سچے دل سے دنیا کو اپنا مان لیا تھا۔ ایک غم پرانا ہوتا نہیں کہ دوسرا دروازہ کھٹکھٹا دیتا ہے، جیسے زندگی نے ٹھیکہ لے رکھا ہو ہمیں توڑنے کا ہم نے اپنی خواہشوں کو چھوٹا کر لیا، اپنی امیدوں کو سمیٹ لیا، پھر بھی گنجائش نہیں نکلی جینے کے لیے۔ اور اب لگتا ہے ہم خود اپنے لیے بوجھ بن گئے ہیں۔ ہر بار جب کوئی کہتا ہے سب ٹھیک ہو جائے گا، تو دل کے کسی کونے میں ہنسی آ جاتی ہے اس جھوٹ کی مٹھاس پر۔ ہم بھاگنا نہیں چاہتے تھے، بس تھوڑی دیر بیٹھ کر سانس لینا چاہتے تھے، پر زندگی نے دوڑ لگا رکھی ہے۔ یادوں کا بوجھ اتنا ہے کہ کندھے جھک گئے ہیں، اور لوگ سمجھتے ہیں کہ عادت ہے سر جھکا کر چلنے کی۔ ہم نے زیادہ کچھ نہیں مانگا تھا، بس وہی مانگا تھا جو دوسروں کو بلا مانگے مل جاتا ہے۔ پر قسمت نے بھی شاید ہمارا نام لسٹ میں سب سے آخر میں لکھا ہے، اور وہ لسٹ بھی گم ہو گئی ہے۔ اب تو دعا کرتے ہوئے بھی ڈر لگتا ہے کہیں قبول ہو گئی تو اس کے بعد کا خلا کیسے بھریں گے۔ ہم نے ہر رشتے کو نبھایا، ہر وعدہ یاد رکھا، پھر بھی لگتا ہے جیسے ہم کسی کے لیے پلان بی تھے۔ دل کرتا ہے سب کچھ چھوڑ کر کہیں چلے جائیں جہاں کوئی پہچانے نہ، کوئی سوال نہ کرے۔ مگر وہاں بھی ہم اپنے ساتھ اپنے غم لے جائیں گے، کیونکہ غم سامان کی طرح پیچھا نہیں چھوڑتے۔ ہم نے سیکھ لیا ہے مسکرا کر زخم چھپانا، اور زخموں پر نمک لگا کر کہنا کہ یہ تو دوا ہے۔ زندگی سے شکایت نہیں ہے، بس تھک گئے ہیں ہر بار نئے سرے سے خود کو جوڑتے جوڑتے۔ ایک غم سے تو نکلنے دیا کر اے زندگی، ہمیں اتنی مہلت دے کہ ہم اپنے آپ کو پہچان تو سکیں۔ ہم کہیں بھاگے نہیں جا رہے، بس یہی کھڑے ہیں اسی جگہ پر جہاں تو نے ہمیں چھوڑا تھا۔ اگر چلنا ہی ہے تو تھام کر چلا، اگر گرانا ہی ہے تو ایک بار میں گرا دے، ٹکڑے ٹکڑے کر کے مت مار۔ کیونکہ ہم انسان ہیں، پتھر نہیں۔ #creatorsearchinsigh #capcut #fyp #cupcuteditvideo #cupcut_edit - @aila_563