الغرام🩵 الحـلقـة واحد والعـشرون 21 : لسْـقـامْ انْشــلُّ ... فـالــدَّلال ؤ فِيــهْ انعَـــلُّ سابگ تگول كلامتها التالية ذا هي وتة محمد جاية اعل گدهم ومظوي عليهم .... ارتهبت وجات ناترة طرفها يغير فات محمد بعد شاف ذيك الكردة وابنالو الشيطان نوع من التخمام والخيالات مايصورهم عقلكم ... رجعت لمينة وكبظت صكها اللي كان النگر حذا الباب وخاظت اعل جيهة محمد ... كردت كم دراعتو وهي تگولو : وهاي جاي اطرحني وجتلك خليه عنك .... محمد ما اصنّت لها گاع مصمووك يخرص كابر اللي عينو اعل لمينة وتكرادها للراجل ... ماعدّل محمد لفيه الباس جاه واعطاه ذيك الخبطة اعل حنكو الين خسرت وكفتو وگيم مدهرى طايح .... اكحز كابر عن ابلد الطيحة واوگف افسخ دراعته وازركها اعل الوته وگيم شورو فاگعتو زاد هو ذي اخويمة الرتلة وتكراد لمينة ونعرتها عليه دهرا ... وكلهم اكرد الثاني ومرة يديرو التحت ومرة الفوگ والارض غبرة ابگات ... لمينة عادت تعيط لرجال الغيث يعاونوها هي الين تدخل بينهم دور تبگه شم قطعا ... عگبت جبرت اغراس واخظين فوته كانو ووگفوا الين فاصلوه ... محمد صار فكابر من خنگتو لو ذاك انهار وجايو اعل مدح ارسول ياشكيف ظرك كاع ايراعي فيه كارد طرف اعيالو فذا من الزينة ... انسات لمينة عن العرس والمروح وذاك فرر والين ابرد محمد اشوي وامشه كابر كردت لمينة بأيدو ودخلتو الدار ... عرفان وغالبو يرگَ ... وگفت معاه عند لافابو وجابت كلينكس وتمت واگفة احذاه الين اوفه عنو ذا ... گاست صلوه وگعدت اعل اول اكويه اتولاها ، زرگت طرفها ابعيد ومدت ايدها لمكيف الماء اللي گدامها واگداتو ... قابلتو معاها وسندت ظهرها فالحيط وتنهدت ... تعبانة من ذي الحياة كاملة ونكدانة والا تبغي تعود ماگط عرفت راجل گاع فعمرها كاملة ولاتعود تجذب انتباههم ولايسولو عنها ... اوگف عليها محمد واعطاها تخريصة فيها قدر من گلة الثقة وناصفتو هي بعد ظرك بيها الموقف الشافها فيه ... ج واكعد التحت ودار ايديه اعل راصو ... ولا تكلم لها وهي امللي ماتكلمت ... رنت تلفونها اللي كانت فصكها ...فتحت الصك وخرصت ذا هي العزة ... وگفت لاهي توخظ گالها : ذا منهو اللي متلفن لك يعود ظرك ذا لفريخ الكنتي معاه ؟؟؟ صدت شورو ونعتت لو الشاشة ذا هي عليه " 3ezzti❤️🥰" ... اوگف شورها واكرد تلفونها وازرگها اعل الحيط الين نگسمت نصين وگالها : تگدي تعودي مسجلالو ذا لسم ياك مانعرفو وتجبري راحتك فلكلام معاه يالقح** انتي مانك شي ولايكر فيك الخير انا اللي ابغيتك مزلت اجدع وشديتك بولك ولاعين فيك حد والناس كابظة عنك نبذة عن راجلك جبرك مانك عز** وخلاك بالعجلة انجي انا ول **** ماكط تخيمت ونشدك ونحوز ولك اعلي وتكوليلي لنساب مانسكن معاه نسكنك وحدك وذا ماكط عدلو حد من اولاد عمي فر وطارح لك صايرتك ولاخاصك شي واشغيغيل لك نعدلك كورساتك ونصبر صكتك واعياطك وافگايعك وشوين صنعتك ونجري فاخلاگك ونروغها يغير كلبة ولاتستاهلي شي تمشي وتحوب*** مع ذا لفريخ الگط شدك ولا امشه عنك الين اتفل * ***** وتسدري معاه فوك راصي وتوخظيلو كدام داري ويكرد طرفك ويدايگ اعل سبتك يغير ذا فر ماه منك ذا مني انا لعدلت منك لعليات وعدلتك امراة فداري وسكتت لك ... لمينة واگفة مصدومة من ذا الكلام والعبارات البذيئة ذي المرة ذا زاز الحد وعاد فوگ التشكيك فعفتها وذي المرة الثانية يگرر فيها عنو عاد معاها وهي كط تخيمت وبولدها ويگرر فيها شي هو افريص عليه ودايرته عليه الشريعة ويگبظ بذنب مالها فيه شي ذا خاطي لكلام الخاسر ... اغلبها تعطي اي ردة فعل جات لاهي تعطيه باگفاه واخظة الدار هامها تكيس القاعة ودور تتجاوب معاه وقت ثاني، اكردها من ايدها وانترها بيها اعل اللورة الين بعدنها تعاگبت ،عادت صادة شورو ومتمونكها رفد ايدو وگالها بيها جايتك اعل لحنك الين ابگه اموسّم فيها ابلدها ... اتخارُّت طايحة بيها متن الطرشة ابدى دايرها اعل متن جهدو وهي كانت غفلانة ولاه متوقعتها .. بيه گلة اتروجيل وعنو دهرا امغيليب وطاعزو كابر عاد داير حرو فيها هي اللي امرأة وذا گاع ماه درزها وراجل كيفتو هو يگد يجيب اعمرها ماگام حس ... اغلبها توگف اركابيها ماتلاو رافدينها ... دار ايدو فذراعها وعاد عااصرو ومقوس فيه اظفارو ... وگالها : بي بو بوك الين اتله يعتب ذي الدار نگصر عمرو حتى شور اهلك وذي ادويرة دور نطلصها ودور تسكني مع اهلي وافريص ماه بشياختك وجيبيه اص لدار اهلي امللي لعتي تكدي يالحو****.... ---------- وصلو العرسان للقاعة اللي معدّل فيها المروح ووراهم اصحاب العريس ... نگزت سلمى بالعجلة سابگ يعقل عليها حد عنها كانت راكبة احذا الشيخ ويچفوها ظرك.... - @nahaa70