@k.s.t.t0: တစ်ခါတလေ အချိန်က ဘာမှမပြောဘဲ ရှေ့ကိုပဲ ဆက်လျှောက်သွားတတ်တယ်။ မနေ့တနေ့ကပဲ ကျောင်းဝတ်စုံဝတ်ပြီး ရယ်မောနေခဲ့တဲ့ကလေးတွေလို ထင်ရသေးတယ်။ အခုတော့ ဆယ်ကျော်သက်ဘဝရဲ့ နောက်ဆုံးနှစ်ကို ရောက်နေပြီ။ နောက်နှစ် ဒီလိုအချိန်ရောက်ရင် "Teen" ဆိုတဲ့ စကားလေးက ငါတို့နဲ့ မသက်ဆိုင်တော့ဘူး။ အဲဒီအတွေးကို တွေးမိတိုင်း... မဖြစ်သေးတဲ့ နှုတ်ဆက်ခြင်းကိုတောင် လွမ်းနေမိတယ်။ ဒီဆယ်ကျော်သက်ဘဝထဲမှာ... ရယ်ခဲ့ဖူးတယ်။ ငိုခဲ့ဖူးတယ်။ ရင်ခုန်ခဲ့ဖူးတယ်။ နာကျင်ခဲ့ဖူးတယ်။ မျှော်လင့်ခဲ့ဖူးတယ်။ စိတ်ပျက်ခဲ့ဖူးတယ်။ ရုန်းကန်ခဲ့ဖူးတယ်။ ကျရှုံးခဲ့ဖူးတယ်။ ပြီးတော့ အဲဒီအရာအားလုံးကို ဖြတ်ကျော်ရင်း တဖြည်းဖြည်း ရင့်ကျက်လာခဲ့တယ်။ နောက်နှစ်ရောက်ရင်... ဒီအချိန်တွေကို ဘယ်လောက်တောင် လွမ်းမိမလဲ မသိဘူး။ အချိန်ကိုတော့ တားထားလို့ မရဘူး။ ဒါပေမယ့် ဆယ်ကျော်သက်ဘဝရဲ့ အမှတ်တရတွေကိုတော့ တစ်သက်လုံး သိမ်းထားလို့ရတယ်။ နှုတ်မဆက်ရသေးတဲ့ ဆယ်ကျော်သက်ဘဝကို... အခုကတည်းက လွမ်းနေမိပြီတယ် အဲဒီနေ့ မရောက်ခင်... ဒီနောက်ဆုံး ဆယ်ကျော်သက်နှစ်ကို နောင်တမရအောင် ဖြတ်သန်းကြရအောင်။ ရယ်ချင်တဲ့အချိန် ရယ်လိုက်ကြရအောင်။ မိဘတွေကို ပိုချစ်ပေးကြရအောင်။ သူငယ်ချင်းတွေနဲ့ အမှတ်တရတွေ ပိုဖန်တီးကြရအောင်။ အိပ်မက်တွေကို မကြောက်ဘဲ လိုက်ဖမ်းကြရအောင်။ အဆင်မပြေမှုတွေ ရှိရင်လည်း ရင်ဆိုင်ကြရအောင်။ ဝမ်းနည်းရင်လည်း ပြန်ထနိုင်အောင် သင်ယူကြရအောင်။ ရင်ခုန်စရာတွေကို အပြည့်အဝ ခံစားကြရအောင်။ ခက်ခဲမှုတွေကို ကျော်ဖြတ်ရင်း ပိုသန်မာတဲ့ ကိုယ့်ကိုယ်ကို တည်ဆောက်ကြရအောင်။ နောက်နှစ် ဒီနေ့ကို ပြန်ကြည့်တဲ့အခါ... "ဆယ်ကျော်သက်ဘဝကို အလဟဿ မဖြုန်းခဲ့ဘူး။ ရယ်ခဲ့တယ်၊ ငိုခဲ့တယ်၊ ချစ်ခဲ့တယ်၊ နာကျင်ခဲ့တယ်၊ ရုန်းကန်ခဲ့တယ်၊ သင်ယူခဲ့တယ်... အဲဒါကြောင့် ဒီနေ့ရဲ့ ငါ ဖြစ်လာခဲ့တာ။" လို့ ဂုဏ်ယူစွာ ပြောနိုင်တဲ့ ၂၀၀၇ဖွားတွေ ဖြစ်ကြပါစေ။ နှုတ်ဆက်မယ့်နေ့ မရောက်သေးဘူး... ဒါကြောင့် ကျန်နေသေးတဲ့ ဆယ်ကျော်သက်အချိန်လေးကို အကောင်းဆုံး အသက်ရှင်ကြရအောင်။

5717

395

144

2026-07-12 04:08:04

2026-07-15 14:46:11

2026-07-15 02:55:42

2026-07-14 11:54:48

To see more videos from user @k.s.t.t0, please go to the Tikwm homepage.