@monir.el.shazly: من أكتر الفخاخ اللي ممكن يقع فيها أي معالج أو كوتش وهو بيساعد عميل، إنه يحس -حتى لو بينه وبين نفسه- إنه "أحن" أو "أفهم" أو "أحسن" من أهل العميل ده. كتير مننا كمعالجين أو ممارسين لما بيجيلنا عميل متأذي من أهله، بنتعاطف معاه لدرجة تخلينا نقع في فخ خطير جداً.. فخ "الإيجو" أو التكبر السري. بنبدأ نشوف نفسنا أحسن من الأب أو الأم اللي آذوا الشخص ده، وبنحاول نلعب دور "المنقذ" أو الأب البديل المثالي. بس الحقيقة اللي بتعلمها لينا داينامكس العلاقات والنظام العائلي، إن المعالج لما بياخد مكان أكبر من مكانه وبيشوف نفسه أحسن من أهل العميل، هو كده بيقفل باب الشفاء في وش العميل من غير ما يحس. العميل مش محتاج معالج "أحسن" من أبوه وأمه، العميل محتاج معالج يحترم الجذور بتاعته زي ما هي، ويساعده يتصالح مع واقعه، مش يخليه ينفصل عنه أكتر. دورنا نقف في مكانا الصغير كـ "مساعدين" للوعي والتشافي، مش قضاة على حياة الناس وأهاليهم. شوف الفيديو ده عشان تعرف ليه احترام "الأصل" والجذور هو أول خطوة حقيقية في التشافي ونجاح العلاج. منير الشاذلي شاركوني في التعليقات: هل حسيتوا قبل كده في رحلة العلاج إنكم وقعتوا في فخ الحكم على أهلكم أو أهل عملائكم؟ وازاي أثر ده على سلامكم الداخلي؟ 👇 #therapy #وعي #علاج_نفسي #الصدمات_النفسية #familyconstellations

Monir El Shazly

Open In TikTok:

Region: EG

Saturday 11 July 2026 15:36:43 GMT