@viewer_1221: ሰው ሲሳካለት አንዳንዴ ከፍ ብሎ መራመድ ይጀምራል። ገንዘብ ሲኖረው የማይደረስበት መስሎ ይሰማዋል፤ ሥልጣን ሲያገኝ የማይተካ ይመስለዋል፤ ዕውቀት ሲበዛለት ሁሉን አውቃለሁ ብሎ ያስባል። ግን ሕይወት በየቀኑ የምታስተምረን አንድ እውነት አለ። ከሰው የተሻለ ሰው ሊኖር ይችላል፤ ከሰው የሚበልጥ ሰው ግን የለም። ሁላችንም ተመሳሳይ እንባ እናለቅሳለን፤ በተመሳሳይ ሳቅ እንደሰታለን፤ በተመሳሳይ ህመም እንጎዳለን፤ በተመሳሳይ ሞትም ከዚህ ዓለም እንሰናበታለን። ልዩነታችን በክብር ሳይሆን በባህሪያችን ነው፤ በማዕረግ ሳይሆን በትህትናችን ነው፤ በሀብት ሳይሆን በበጎነታችን ነው። ሰውን የሚያሳድገው ሌላውን ማሳነስ አይደለም፤ ራሱን ማሻሻል ነው። ዛሬ ከምትበልጠው ሰው ነገ መማር ሊኖርብህ ይችላል፤ ዛሬ የናቅኸው ሰው ነገ እጅህን ይዞ ሊያነሳህ ይችላል። ስለዚህ ትህትና የታላቅነት ምልክት ናት፤ ክብር ደግሞ ለሁሉም የሚገባ መብት ነው። ማንንም አታንቋሽሽ፤ ማንንም አታቃልል፤ ማንንም አትናቅ። ምክንያቱም ከፍ ብለህ የምትመለከተው ሰው ከአንተ በታች ሳይሆን ከአንተ ጋር እኩል የሰውነት ክብር ያለው ፍጡር ነው። የተሻለ ለመሆን ጣር፤ ከሰው በላይ ለመሆን ግን አትሞክር። ምክንያቱም... ከሰው የተሻለ እንጂ ከሰው የሚበልጥ ሰው የለም። ይህ የእኔ እይታ ነው። ✍️ ፍቅር የሞላበት ምሽት ይሁንላችሁ🙏 ቀጣይ ሌሎች እይታዎች እንዲደርስዎት የእኔ እይታን ፔጅ Follow, Like, Share, Repost እና Copy Link በማድረግ ቤተሰብ ይሁኑ! #foryou #fyp #viral #fypシ #viralvideo

የእኔ እይታ

Open In TikTok:

Region: SO

Saturday 11 July 2026 17:14:18 GMT