@malikadeeliqbal786: عوامی شکایات پر نتھیا گلی اور ڈونگا گلی میں غیر قانونی تعمیرات کے خلاف کارروائی♦️ عوامی شکایات کا نوٹس لیتے ہوئے معاونِ خصوصی برائے سیاحت و ثقافت، ملک عدیل اقبال نے نتھیا گلی اور ڈونگا گلی کا اچانک دورہ کیا اور جاری تعمیراتی سرگرمیوں کا تفصیلی جائزہ لیا۔ دورے کے دوران عدالتی احکامات کے باوجود جاری تعمیراتی کام پر شدید برہمی کا اظہار کرتے ہوئے فوری طور پر تمام غیر قانونی سرگرمیاں بند کروا دی گئیں۔ ملک عدیل اقبال نے اس موقع پر واضح کیا کہ قانون کی بالادستی پر کوئی سمجھوتہ نہیں کیا جائے گا اور کسی بھی دباؤ یا سفارش کو خاطر میں نہیں لایا جائے گا۔ انہوں نے کہا کہ عدالتی احکامات کی خلاف ورزی، غیر قانونی تعمیرات اور گلیات کے قدرتی حسن و ماحول کو نقصان پہنچانے والے عناصر کے خلاف بلاامتیاز قانونی کارروائی عمل میں لائی جائے گی۔ معاونِ خصوصی نے متعلقہ اہلکاروں کی فوری معطلی، ذمہ دار افراد کے خلاف ایف آئی آر کے اندراج اور قانون کے مطابق سخت کارروائی کی ہدایت بھی جاری کی۔ انہوں نے اس عزم کا اعادہ کیا کہ گلیات کے جنگلات، ماحول اور قدرتی حسن کا ہر قیمت پر تحفظ یقینی بنایا جائے گا تاکہ اس قومی ورثے کو آئندہ نسلوں کے لیے محفوظ رکھا جا سکے۔ #MalikAdeelIqbal #CMPK #ImranKhanPTI

Malik adeel iqbal

Open In TikTok:

Region: PK

Sunday 12 July 2026 05:41:06 GMT