@thepastkhmer: នៅវេលាព្រឹកថ្ងៃសៅរ៍ ទី១១ ខែកក្កដា ឆ្នាំ២០២៦នេះ សម្តេចក្រុមព្រះ នរោត្តម ច័ក្រពង្ស់ ឧត្តមប្រឹក្សាផ្ទាល់ព្រះមហាក្សត្រ និងជាព្រះប្រធានមូលនិធិសម្តេចក្រុមព្រះ នរោត្តម ច័ក្រពង្ស់ បានយាងចូលរួមជាព្រះធិបតីក្នុងកម្មវិធី អប់រំសីលធម៌ និងបណ្តុះស្មារតីយុវជន រៀបចំឡើងដោយ វិទ្យាស្ថានភាសាបរទេសនៃសកលវិទ្យាល័យបញ្ញាសាស្រ្ត (សាខាអូរឬស្សី) ដោយប្រព្រឹត្តទៅនៅវិទ្យាល័យហ៊ុន សែន កំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ដោយមានវត្ថមានសិស្សានុសិស្សចំនួន១០០០នាក់ នឹងលោកគ្រូអ្នកគ្រូជាង១០០នាក់។ អមព្រះវត្ថមានដ៏ខ្ពង់ខ្ពស់នៃសម្តេចក្រុមព្រះ ក៏មានវត្ថមាន ឯកឧត្តមបណ្ឌិត កុល ផេង បិតាស្ថាប័នសកលវិទ្យាល័យបញ្ញាសាស្រ្ត និងលោកជំទាវ , លោក ង៉ែត សុខឡា ប្រធានក្រុមប្រឹក្សាភិបាលវិទ្យាស្ថានភាសាបរទេសនៃសកលវិទ្យាល័យបញ្ញាសាស្រ្ត (សាខាអូរឬស្សី) , លោក សាយ ប៊ុនថន អភិបាលរងស្រុកកំពង់ត្រឡាច , លោក វីរៈ វ៉ារ៉ានី ជំនួយការផ្ទាល់សម្តេចក្រុមព្រះ នរោត្តម ច័ក្រពង្ស់ , តំណាងក្រុមហ៊ុន ចាដាត្រា រ៉េស៊ីឌិន , តំណាងលោកនាយកវិទ្យាល័យហ៊ុនសែនកំពង់ត្រឡាចផងដែរ។ ក្នុងកម្មវិធី សម្តេចក្រុមព្រះ នរោត្តម ច័ក្រពង្ស់ មានព្រះបន្ទូលផ្តល់គតិអប់រំសំខាន់ៗជាសង្ខេបប្រទានដល់ប្អូនៗក្មួយៗចៅៗអោយខិតខំរៀនសូត្រដើម្បីចូលរួមកសាងសង្គមជាតិ។ ក្នុងឳកាសដ៏ប្រពៃថ្លៃថ្លានេះ សម្តេចក៏សព្វព្រះហឬទ័យប្រទានអំណោយដល់លោកគ្រូអ្នកគ្រូនៅកំពុងបង្រៀននៅវិទ្យាល័យហ៊ុន សែន កំពង់ត្រឡាច និងកងកម្លាំងថ្នាក់មូលដ្ឋានផងដែរ។

ខ្មែរអតីតកាល

Open In TikTok:

Region: KH

Sunday 12 July 2026 06:42:30 GMT