Адамдар екеуі де бірге болуды қалаған уақытта ғана бірге болады. Ешқандай борыш, ар-намыс немесе мораль бір адамды екіншісіне байлап қоймайды. Адам кеткісі келсе, үйінен де, балаларынан да, ауру төсегінде жатқан жарынан да кетеді. Ал қаласа – қасыңда қалады. Бірге болғысы келген адамға сенің ешқандай міндерің кедергі болмайды. Ал кеткісі келген адамды сенің ешқандай артықшылықтарың ұстап тұра алмайды. Қаншалықты көріксіз, тартымсыз болсаң да, сен ұнайтын біреу табылады. Қаншалықты тамаша, сүйкімді болсаң да, сені қабылдамайтын біреу болады. Егер сенен бас тартса, мұның ешқандай мәні жоқ. Сен одан нашарлап немесе кеміп қалмайсың, шын мәнінде қорқынышты ештеңе болып жатқан жоқ. Бұл өмірде сенің өз адамың бар, ол сені қабылдайды. Егер сені қабылдаса, бір күні екеуің қоштасасыңдар – өмірде болмаса, өлімде. Барыңды бағала, жоғалтатыныңа өкінбе, әрі жоғалтудан қорықпа. Саған сәулесін төгетін адам барына қуан. Өзің де жарқыра – жарық неғұрлым көп болса, қорқыныш соғұрлым аз, қорқыныш аз болса, жаныңдағы қараңғылық та соғұрлым аз болады. Ағашқа қайтқысы келген жапырақ ағысқа қарсы жүзіп, желге қарсы ұша алар. Бірақ ағаш оны ескі бұтағына қайта жапсырып бермейді. Қаншалықты қатты сүйсең, қаншалықты көп махаббат берсең, соншалықты көп махаббат қалады. Ал махаббат бере отырып, ауырсаң немесе жек көрушілік сезінсең – демек, сен адамға шоколадқа оралған у бердің. Мұндай сый үшін алғыс талап етудің де қажеті шамалы. Босат. Адамға сенің махаббатыңның айнасынан басқа біреу болуына рұқсат ет – әсіресе, оның шын мәнісінде солай екенін ескерсек. Сүйікті адамыңда еріп, жоғалып кету – сирек талант әрі сирек кездесетін қарғыс. Өзің бол, лайықты бол, қорқынышты ұмыт – бір күні ол бәрібір қайтып келмейді. Бірақ бүгін емес. Сен. Сене бер. Жылыт. Алғыс айт. Не болары туралы емес – жұлдыздар астында осында және қазір не болып жатқаны туралы ғана ойла. Өлі махаббаттан шіріген иіс шықпай тұрып кет. Тілегің құмарлыққа айналмай тұрып кел. Ақшаға сатып алынғанның бәрі тек ақша тұрады. Жалынып, көз жасын төгіп, тартып алған және ұрланған дүниені бір күні сенен еселеп қайтарып алады. Өз еркіңмен, шын жүректен берілген нәрсе ғана баға жетпес. Өз адамыңды қалай табуға болады? – өте оңай! Қарсы жүресің де, жолдың ортасында онымен бетпе-бет келесің. Ол білмеді. Сен шақырған жоқсың. Екеуің табыстыңдар. Бұған дейін қайда бағыт алсаңдар да, енді жолдарың бір. - @erke2306