@ksa.f42: الف اولف مـــن كـلام ِنظيفــــــي ودموع عيني فــوق خدي ذريفــي من لام في حب الحبيب الوليفـــي دقـاق رمش العين سيد الخوندات خـــــوندات ياللي ما بعد عاشرنـه قل له تراهن في الهوى يذبحنــــه قلبــــي وقلبك يالمشقا خذنـــــه عزي لمن مثلي تعـــرض للافـــات الباء بليت بحب خلي على ماش ولاحصل لي منه ما يبرد الجاش غديت انا واياه طاســه ومنقاش بالوصف كني له معزي سلامـات سلامات للذي هم يذكرونـــــه يبي السلامة منه وهي المعونــه يقول طيب مير غارت عيونـــه سبب ولدكم واحد صابه ومات التاء تليت الـــزين و الزين مقفـــي امشـــي و حتفي ناقله فوق كتفــي لا شـــفت مجــــدول وكتف وردفي ماقوى التفت لو طوحولي بالاصوات اصـــوات وان قالوا هبيل وسايــــح طرد المقفي يالمشـــقى فضايــــح قلت ايه مير اشواركـــــم والنصايح مثل المطر فوق السحال المكفـات الثاء ثمانه حب رمــان طايـــف او قحويان ٍ في رياض ٍ عطايـــف متنقلٍ بالزين سيد العفايــــــف عمهوجة ٍ فيها من الحور شارات شارات فيها من ظبي الحمـادي هي لذة اللذات وغاية مــــرادي من يوم قفا صويحبي من بـلادي عليه جاوبت الحمامة بالاصوات الجيم جاني من عشيري كلامـي ولا لقينا من يــــرد الســـــــلام عليه زرع القلب هايف وظامــي مالي جدا كود البكاء والتنهــات انهت على ما فاتني من زمـــاني يـوم الحبـيّـب زارنـي في مكانـي وراي ماخذت القضاء يوم جاني تــوي دريت البيض فيهن غـرٌات الحاء حليه في الوطـن ما لقيتــه عذلت قلبــي عنه ولا قويتــــــه لوه يذكـــر يم مســـكه نصيتــه انصـاه لو دونه بحـور و مسافـات مسافات لوهي في بحور الظلامي او وســـــط بتيلٍ حداه الـــولامي اذا حصل شف وبلــوغ المــرامي صبرت لو طبيت بحر الظلامــات الخاء خليلــي صــار عندي قـريبي جعلـي نصيبٍ له وهو من نصيبـي ودي نواجه نــــور عيني حبيبـــــي مار الوحـــيد لهيد ما فيه نوهــات نوهات نوهات ٍ غـدت من غثا البال طــول النـــهار مسِيم عمال بطـال وانا اترجــــى كل حـول ٍ إلى حــال دنياك هذي يا اريش العين نشبـات الدال دامي ما مسكت الذوايـب لو قيل طيب قلت ما نيب طايب دنو استاد القبر ودنو النصايـــب ودنو دواة الحبر نكتب سجـلات سجلات اريد اكتب بها لي وصيه عمري قضى يا وجــد اهيلي عليه قولو لصافي اللــون ياقف عليـــه اغديه يرجع ويتحســف بما فـات الذال ذالـــــي عنه مـــــدة ليـالي لو قيل طيب قلت انا أبخص بحالي والله ما يطـــــري علي شف بالـــى الا انت يا راعي الثمـــان الرهيفـات رهيفات فـيـهـا للمشــقى طرابـــه مجمــــول مدلول ٍ ولا به طنابــــه هنـــي مــن يـدخـــل معه في ثيابه وأسـج انا ويــــاه في العمر سجـات الراء ردوف صـــويحــــبي ثقلنــــه ونهوده الثــــوب الحمـر شلعنــــه ومثومنن ما احلــــى بيــــاضه ودنه من فوق جسم ٍفيه من عرق الارطات ارطـــــات غرمــــولٍ ذرته الـذواري والله لولا انــــي علـــى الـترف اداري لأضوي عليهــــا مثل ذيب الغـداري جــــايع و بـالـغـابـه عياله مجيعـات الزاء زماني شـــفت منه الهوايــل لا عاد حظي فـي الغنادير مــــايل الزين لــــو نترك قصــــير ٍ وطايل لا شك وين العقل هيهات هيهات هيهـات لو في العقـل يا ديـب لبه ما كـــــان يتبع واحـــد ما يحبــه ليصار قـولـي لـــه خريطٍ بدبـــه وش لك بشوفه يالعيون المشقات السين سـقـنـامن الدراهم وعيـــا واللـــــي نبي من صاحبي مــا تهيا يقـــــول والله لــو تحب الثريــــا خذني على السنة تشوف الطرابات طرابات ينسنك جميع الــــدروبي أغـد يك في باقي حيـــاتك تتــوبي اجعل مقرك بين جلـــدي وثوبـــي حتى تشـــوف البيض فيهن لــذات الشين شاب الرأس ياعذب الانياب والـلي بطــارى توبة ٍ كــان قدتاب لى حاجة يا زين بـس افتـــح الباب يرحمني اللـــي عـالـم ٍ بالخـفـيـات يرحمنـــــي اني فيك يا زين مفتـون من حبك اسهر والخـــلايق ينامــون الهيتني عن مذهب اللــي يصلــــون ما عـــاد اميـــــز لو قـرآن التحيات #سالم_الحويل #الفيه_بن_عمار
