@woioij: ركضت على مــرّة خالي سندتها سحبتها حتَّى أكعدها وأهديها * وَتـيـن : إهـدي خالة وألله ما تسوى ! لحضة عصبية يهدى ويجيچ متندم . إيمان : لحضة عصبية مرّة مرتين ! ولچ يُمة هذا من سنـة هيچ مستولّى علينا . _لا ليلنا ليل ولا نهارنا نهار بسببة دمرنا كل يوم ألجوارين يسمعون عركاتة ومناگراتة وَتـيـن : خـاف هوَ طبعة عصبي ميخالف عذري إذا ما أهلة يتحملونة منو يتحملة ؟ إيمان : يُمة أنتِ كل شيء ماتدرين فـلاتحچين وَتـيـن : أخ - مسحت دموعها تضحك عليّة * إيمان : دوخرني عني ألفاهية وخري وخري وَتـيـن : أيبااا هسة أنا صرت فاهية ! زاعلتچ - كامت عني تضحك متوجهة لغُرفتها لحكتها وقبل ما تدخل لغُرفتها لزمت أيدها أحاجيها وَتـيـن : خالة أعذري مُمكـن يكون مو بوعية وحالة عصبية قوية وهوَ طبعة عصبي مايسيطر على نفسة أنا زوجي ترة مثلة ! _إرضي عليّة وسامحي وأبريلة ذمة تـرة لـو بقيتي غاضبة عليّة تنگلب ألدنيا صدكيني وكولي وَتـيـن ماكالت . إيمان : ألله كريم حبيبتي - دخلت لغُرفتها إنداريت على صوت شهگات لكيت إسـراء مـرتة تبچي . ميلت شفتي بأسف ورحت حضنتها وَتـيـن : ميخالف سوسي لا تضوجين أسـراء : هاية مو أول مرّة يضربني ! _دائمًا يضربني كدام أهلة ويهيني وماكدر أسوي شيء ولا أكدر أدافـع عن نفسي ! وَتـيـن : وليش تنطينة مجال ! روحي لهلچ زعلانة عاقبي بهجرچ إلـة خلي يتندم خلي يتشعوط على غيابچ أسـراء : ههههههههههههههههههههههههه هوَ گلي بَـس ترحين أطلگچ _وأزيدچ مـن شعر بيت ؟ خايني ويَ وحدة وأنا ويا متزوجين عن حُب ! ويحب غيري هههههههه _بعـد علاقـة ثمـن سنوات حُب ! حَـب غيري . وتدرين ؟ علمودة تنازلت عـن كل شيء كل شيء ! وعمامي وخوالي كالولي _ " هذا أختيارچ أنتِ ! لو تجينة مـذ /// بـو // حـة مايهمنة ولا نوگفلچ لأن هذا أختيارچ ! " ههههههه كتلهُم لااا مُرتضى يحبني وما يأذيني وكفت بوجه ألكُل علمودة خسرت مُستقبلي خسرت ألاول وتالي لخاطر ! تاليها هيچ أتجازى ؟ ما أستاهل هيچ وحقة لربچَ . وَتـيـن : ماكو أي أمراة بلكون تستاهل هيچ ! زين شنو ألسبب يعني ليش هيچ تغير وأنتوا تحبـون بعضَ ! أسـراء : مادري وَتـيـن أتمنى أعرف سبب تغيُرة لچ چان يعشقنيييي وَتـيـن ميتت بيّة شغيرة ماعرُف ! _بنات عمة يحبنة وأحس مسوياتلنة سحر يعني بعد زواجنة أنا و مُرتضى بـثمن أشهر مُرتضى تغير حتَّى على أهلة أمة أبو ما يحترم ويزمخ ولاعب بينا لعب ألجيران وكلها ملاحضة تغيُرة ومُستحيل يمُر يوم إذا ما نتعارك أنا و مُرتضى أو مُرتضى وأهلة ! تعبت وجزعت لابية أروح لهلي زعلانة ولا بية أبقى وأتقبل ألاهـانة ! لو تطلگت أخسر كل شيء وَتـيـن أخسر حتَّى روحي مابيدي شيء أسوي غير أدعي وفقدت ألامل داحس حتَّى ألدُعـاء بعد مايفيد لأن لا يوم ولا يومين أحنا على هلحالة صارلنا سنة ونُص ! طگت روحي . سحبتها لحضني أحاول أهون عليها وأهديها وَتـيـن : چانت بخاطري ونيتي أنطيچ فد نصيحة تمشيــن بيها على حسب تجارُبي كُبر عقلي وأكدر أنصح إلي أكبر مني ! بَـس منين ما أندار دالگيها مسدودة وفعليًا ماكو بيدنا غير ألدُعـاء فـ إللهي _ألله يبرد گلبكُم ويطفي ناركُم ويهدي مُرتضى عليكُم وترجع علاقتچ بـ زوجج وتكون أفضل علاقة حُب أسـراء : أميـن وَتـيـن أنتِ شكد حنينة ؟ حنيتچ فُطرية داحس بحنيتچ أول مرّة بحياتي أحس بهيچ إحساس حنينة بشكل فُطري حنينة بشكل بريئ حنينة حنية حقيقية مو مُصطنعة ! روحي يا وَتـيـن عساچ مـن خير لخيرَ وعسا حياتچ كُلها فرح وسعادة ويارب يتحقق كُل شيء ببالچ ألله يبعدچ عـن كُل أذى ومشاكل على حنيتچ هاي حتَّى عدوچ يحبچ - أبتسمتلها ماعرف شجاوب بَـس فُرحت لأن تبادلنا ألادعية لبعضنا . بعد ألصلاة * بلمطبخ دانحضر ألعشة أسـراء يمي وأكفة على طباخ وأنا يم ألكاونتر داور على أبهارات ألاريدها فتحت علبة شفتها وأستغربت ما عرفت شنو هاي قربت وجهي أشم ألابهارات إلي بلعلبة حتَّى أعرُفها وأول ما شميت حسيت بروحي إنتفضت ! أعضائي داخلية أحسها تهيچت ركضت بسرعة للمغاسل أتقيء . #وَتـيـن #شـرايين_ألمغور

وَتـيـن

Open In TikTok:

Region: IQ

Monday 13 July 2026 10:16:08 GMT