@k.jimmy_vibe_: သန်မာတယ်တဲ့... ဒီစကားကို ကြားတိုင်း ကျွန်တော် မဲ့ပြုံးလေး အမြဲ ပြုံးဖြစ်တယ်။ အဲဒီအပြုံးနောက်မှာ... ဘယ်လောက်ထိ အလွယ်တကူ ပြိုလဲတတ်တဲ့ လူတစ်ယောက် ဖြစ်ခဲ့ဖူးလဲဆိုတာ... တစ်ချိန်က ကျွန်တော့်ကို အနီးကပ်ဆုံး သိခဲ့တဲ့သူတွေ ပဲ သိတယ်။ အခုတော့... အဲဒီလူလည်း မရှိတော့ဘူး။ ဒါကြောင့်... ကျွန်တော် မသန်မာလာတာ မဟုတ်ဘူး။ ဘယ်သူ့ရှေ့မှာမှ မငိုတော့တာပါ။ တချို့နေ့တွေ... ကိုယ်ခန္ဓာ ပင်ပန်းတာထက် စိတ်ပင်ပန်းတာက ပိုဆိုးတယ်။ ဘာမှ မလုပ်ချင်တော့ဘူး။ ဘာမှ မတွေးချင်တော့ဘူး။ ရှေ့ဆက်ရမယ့် လမ်းကြီးကိုတောင် ခဏလောက် မျက်စိမှိတ်ထားချင်လာတယ်။ ဒါပေမယ့်... ပြိုလဲသွားဖို့ အချိန်မရှိဘူးဆိုတဲ့ အတွေးကပဲ ကျွန်တော့်ကို နေ့တိုင်း ဆွဲထူနေခဲ့တာ။ တကယ်တော့... ကျွန်တော်လည်း ငိုတတ်တဲ့ လူသားတစ်ယောက်ပါပဲ။ ဒါပေမယ့်... လူတွေရှေ့မှာ မျက်ရည်ကျပြလို့ မရတော့ဘူး။ တစ်ချိန်က... ခံစားချက်ရှိသမျှ အကုန်ပြခဲ့ဖူးတယ်။ နာကျင်ရင် ငိုခဲ့ဖူးတယ်။ အားနည်းရင် ဝန်ခံခဲ့ဖူးတယ်။ ဒါပေမယ့်... စာနာသလိုနဲ့ အနာကို ထပ်ဖိနှိပ်တဲ့သူတွေကို တွေ့ခဲ့ရတယ်။ ကူညီပေးမယ်လို့ ပြောပြီး အလယ်လမ်းမှာ လှည့်ထွက်သွားတဲ့သူတွေလည်း မနည်းခဲ့ဘူး။ အဲဒီနောက်ပိုင်း... ကျွန်တော် သင်ယူလိုက်တာ တစ်ခုရှိတယ်။ တချို့ဒဏ်ရာတွေက... လူတွေကို ပြဖို့ မဟုတ်ဘူး။ ကိုယ့်ဘာသာ ကိုယ်ကုရတာ။ ငိုချင်လာတဲ့ညတွေမှာ... ကျွန်တော် ကောင်းကင်ကိုပဲ မော့ကြည့်ဖြစ်တယ်။ "ဒီအချိန်လေးလည်း ပြီးသွားမှာပါ..." ဆိုတဲ့ စကားကို ဘယ်သူ့ဆီကမှ မဟုတ်ဘဲ... ကိုယ့်ကိုယ်ကိုပဲ ပြန်ပြောပေးဖြစ်တယ်။ ဒီလိုနဲ့... နေ့ရက်တွေကို တစ်ရက်ပြီးတစ်ရက် ဖြတ်လာခဲ့တယ်။ ပျော်စရာတွေက နည်းခဲ့တယ်။ စိတ်နာစရာတွေကတော့ ရေတွက်လို့ မကုန်ဘူး။ ဒါပေမယ့်... ဘယ်အချိန် ပြိုကျမလဲဆိုပြီး စောင့်ကြည့်နေတဲ့ မျက်လုံးတွေအောက်မှာတော့... ကျွန်တော် ခေါင်းငုံ့မထားခဲ့ဘူး။ ရင်ထဲမှာ ဘယ်လောက်ပဲ နာနာ... ခေါင်းကိုတော့ မော့ထားခဲ့တယ်။ အနည်းဆုံးတော့... သူတို့မျက်စိထဲမှာ ကျွန်တော် သန်မာနေသေးတယ်ဆိုရင်... အဲဒါလည်း မဆိုးဘူးလို့ တွေးတတ်လာခဲ့တယ်။ #creatorsearchinsights #hurtfeeling #emotional #kjimmyvibe

K.Jimmy_Vibe_ジミー

Open In TikTok:

Region: MM

Monday 13 July 2026 12:23:47 GMT