@atit_551: प्रिय मन ...✍️ आज पनि तिम्रो नाम लेख्न खोज्दा हात काँप्छ, किनकि नामभन्दा गहिरा त तिम्रा सम्झनाहरू छन्। समय धेरै बितिसक्यो, हाम्रो बाटो धेरै अघि नै छुटिसक्यो, तर मनले तिमीलाई बिर्सिने कला कहिल्यै सिक्न सकेन। मलाई थाहा छ, तिम्रो आफ्नै संसार छ। सायद त्यहाँ मेरो कुनै ठाउँ छैन। प्रेम भनेको सधैं आफ्नो बनाउनु मात्र होइन, कहिलेकाहीँ टाढैबाट कसैको खुसीको कामना गर्न सक्नु पनि प्रेम हो....😳 तिमीसँग बिताएका ती साना–साना क्षणहरू आज पनि मेरो जीवनका सबैभन्दा सुन्दर सम्झनाहरू हुन्। ती हाँसो, ती गुनासो, ती सपना... सबै समयसँगै टाढिए, तर मनबाट कहिल्यै मेटिएनन्। यदि कहिल्यै तिमीलाई मेरो याद आयो भने, यति मात्र सम्झनू—कसैले तिमीलाई आफ्नो सम्पूर्ण मनले माया गरेको थियो। कुनै स्वार्थ बिना, कुनै सर्त बिना। त्यो प्रेम अधुरो रहयो होला, तर झुटो कहिल्यै थिएन। आज म तिमीसँग केही माग्दिनँ। न साथ, न समय, न फेरि प्रेम। केवल यति चाहन्छु कि जहाँ छौ, जसरी छौ, सधैं सुखी रहनू। तिम्रो मुस्कान कहिल्यै नहराओस्। किनकि एक समय त्यो मुस्कान नै मेरो संसार थियो। सायद हाम्रो कथा पुस्तकको अन्तिम पानामा पुगेर टुङ्गियो। तर त्यसका शब्दहरू मेरो हृदयमा अझै बाँचेका छन्। म तिमीलाई बिर्सने प्रयास गर्नेछु, तर तिमीलाई साँचो मनले माया गरेको त्यो सत्य कहिल्यै बिर्सने छैन। अन्त्यमा, यदि अर्को कुनै जन्म भन्ने कुरा साँच्चै हुन्छ भने, म भगवान् सँग एउटै प्रार्थना गर्ने छु कि एक पटक फेरि हाम्रो भेट होस्, तर बिछोड भने नहोस्..🙏😳❣️#अतित ..✍️🌿