#နွယ်မြက်သစ်ပင်ဆေးဖက်ဝင်🌿 ✅အရက်ဖြတ်ဆေးအဖြစ်လည်း အသုံးပြုနိုင်သည်။ သက်ရင်းကြီးအမြစ်ကို နွေအကုန် မိုးအကူးအရွက်များကြွေချိန်တွင် အမြစ်တွင် အပင်အားစုနေသ ဖြင့် တူးယူရန် အကောင်းဆုံးအချိန်ဖြစ်သည်။ အမြစ်ကို ရေဖြင့် စင်အောင်ဆေး မှိုနှင့် ပိုးကင်းစင်အောင် ဆားရည်ခဏ စိမ် ရေနွေးဖြင့် ပေါင်းပြီးမှ နေပြန်လှန်းပြီး အခြောက်ခံခြင်းသည် အကောင်းဆုံးဖြစ်သည်။ ✅အာယုဗေဒဆေးကျမ်းများမှ အဆို သက်ရင်းကြီးပင်သည် ပူ၊ ခါး၍ အနည်းငယ်စပ်သော အရသာရှိသောကြောင့် အဖွင့်ဓာတ်ဖြစ် သည်။ လေနှင့်သလိပ်ကို နိုင်သည်။ အဆီကို ကျစေသည်။ ✅အတွင်းရှိ (ကိုယ်တွင်းရှိ) အလုံးအကျိတ်များကို ကြေစေနိုင်သည်။ သွေးစုခဲသောရောဂါ၊ ဝမ်းကိုက်ရောဂါ၊ ပြည်တည်သော ရောဂါတို့ကိုနိုင်သည်ဟု ဆေး ကျမ်းများက ဆိုသည်။ ပြည်တစိုစိုဖြစ်နေသော မကျက်သော အနာဆွေး အနာဟောင်းများကို သက်ရင်း ကြီးရွက်ကို ကျိတ်ပြီး အုံပေးလျှင် အနာကျက်မြန်ပြီး အသားနုတက်စေ သည်။(ဆီးချိုရောဂါ ရှိသူများနှင့် သင့်သည်။) ✅သက်ရင်းကြီးအခေါက်သည် ဖောရောင်ပြီးဖျားသော အဖျားရောဂါကို ပျောက်ကင်းစေ၍ အဖောကို ကျစေသည်။ (အခေါက်ကိုနေလှန်း အမှုန့်ကြိတ်ပြီး သုံးစွဲရန်ဖြစ်သည်။) သက်ရင်းကြီးအခေါက်သည် အဆိပ်ကို နိုင်သည်ဟုဆိုသည်။ ✅အဆိပ်ရှိသောအကောင် ကိုက်မိသောနေရာတွင် သွေးလိမ်းလျှင် အဆိပ် ကို ပြေစေနိုင်သည်။ မြွေကိုက်သောလူနာကို သက်ရင်းကြီးခောက်ကို သွေး၍တိုက်သည်ဟု ဆေးကျမ်းများ တွင် တွေ့ရသည်။ ✅သက်ရင်းကြီးအရွက်၊ အခေါက်များသည် ဂူလုံးရောဂါကို ပျောက်ကင်းစေနိုင်သည်ဟု ဆိုသဖြင့် ဝမ်းဗိုက်စူသူများ အသည်းအဆီဖုံးသူများ၊ လေသလိပ်ထူပြောပြီး ရော၈ါဝင်သူများသည် သက်ရင်းကြီးရွက် နုကလေးများကို သင့်ရုံမျှ နေ့စဉ်စားသုံးခြင်းဖြင့် ဝမ်းမှန်လေသက်စေသည့်အပြင် ဖောသွပ်သွပ်ဖြစ်ခြင်း၊ ဗိုက်ပူခြင်း၊ အသွားအလာ အထိုင်အထနှေးခြင်း၊ အဆစ်အမြစ်နာကျင် ကိုက်ခဲခြင်းများပါ ပျောက်ကင်းစေ နိုင်သည်။ ☘️ဆေးဖက်ဝင်အသုံးပြုပုံများ☘️ ❤️‍🩹အမြစ်ကို အသုံးပြုပုံ❤️‍🩹 (၁) သက်ရင်းကြီးမြစ်ကို လေနာသလိပ်နာများအတွက် ဆေးအဖြစ်ဖော်စပ်အသုံးပြုသည်။ (၂) အမြစ်ကို ထန်းလျက်နှင့်စိမ်၍ စိမ်ဆေးအဖြစ် နေ့စဉ်သုံးဆောင်ပါက အစာကြေ၍ လေမှန်ဝမ်းမှန်စေ သည်။ ယင်း စိမ်ဆေးဖြင့်လည်း အရက်ဖြတ်၍ရသည်။ အခြားရောဂါများ ဝင်ရောက်ခြင်းမှလည်း ကာကွယ် နိုင်သည်။ (၃) အဆုတ်ရောင်ခြင်း၊ ကြီးခြင်း၊ အသည်းရောင်ခြင်း၊ ကြီးခြင်း၊ အဆစ်ကိုက်ခဲခြင်း၊ ဖောရောင်ခြင်းတို့၌ သက်ရင်းကြီးအမြစ်အခောက်ကို အတွင်းဆေး၊ အပြင်ဆေးအဖြစ် စားသုံးခြင်းလိမ်းကျံခြင်း၊ ကြပ်ထုပ်ပြု လုပ် ၍ ကြပ်ထုပ်ထိုးခြင်းများပြုလုပ်ပါက လျှင်မြန်စွာပျောက်ကင်းစေသည်။ (၄) ဒူလာ၊ လိပ်ခေါင်း ရောဂါတို့အတွက် အမြစ်ကို သံပရာရည်နှင့်သွေး၍ သောက်ရသည်။ ❤️အခေါက်ကို အသုံးပြုပုံ❤️ (၁) သက်ရင်းကြီးခောက်သည် ဖောရောင်ပြီး ဖျားသောအဖျားရောဂါကို ပျောက်ကင်းစေ၍ အဖောကိုကျ ဆင်းစေသည်။ (၂) သက်ရင်းကြီးခောက်သည် အဆိပ်ကိုနိုင်သဖြင့် မြွေကိုက်သောလူနာများကို သွေး၍ တိုက်ပေးရ၏ဟု အိန္ဒိယဆေးကျမ်းများတွင် ဖော်ပြထားသည်။ 🔴အရွက်ကို အသုံးပြုပုံ🔴 (၁) အနာဆွေးအနာဟောင်းများ မကျက်နိုင်ဘဲ ပြည်တစ်စိုစိုဖြစ်နေလျှင် သက်ရင်းကြီးရွက်ကို အညက် ကြိတ်၍ အုံပေးခြင်းဖြင့် အနာအသားနုတက်ပြီး အမြန်ကျက်စေသည်။ (၂) အရွက်နုကို ပြုပ်တို့စားခြင်းဖြင့် ဝမ်းလေမှန်၍ ဝမ်းကိုက်နာ၊ ဝမ်းသွားနာတို့ကို ပျောက်ကင်းစေသည်။ (၃) ခါးနာလျှင် သက်ရင်းကြီးရွက်များကို ခါးတွင်ကပ်ပြီး အဝတ်ဖြင့်ပတ်ထားလျှင် ခါးနာသက်သာစေနိုင် သည်။ (၄) သက်ရင်းကြီးရွက်များကို အိပ်ယာအောက်တွင် ဖြန့်ခင်းပြီးအိပ်လျှင် နှစ်ရှည်ခါးနာရောဂါကို သက်သာ စေနိုင်သည်။ (၅) ဖနောင့်နာရောဂါဖြစ်လျှင် သက်ရင်းကြီးရွက်များကို ဆားအနည်းငယ်နှင့် ရောထောင်းပြီး ဖနောင့်တွင် အုံစည်းပေးလျှင် သက်သာစေနိုင်သည်။ (၆) ဝမ်းဗိုက်တွင်အဆီစုပြီး အလုံးအခဲဖြစ်လျှင် သက်ရင်းကြီးရွက်နုကို ထမင်းစားတိုင်း သုံးရွက်ခန့် အတို့ အမြှုပ်ပြုလုပ်စားပေးလျှင် အဆီကျပြီး အလုံးအခဲများ ကြေစေနိုင်သည်။ (၇) သက်ရင်းကြီးရွက်နုကို ကြက်သွန်ဖြူ၊ ငရုတ်ကောင်းခပ်၍ ဟင်းချိုချက်သောက်လျှင် ကိုက်ခဲညောင်း ညာသော ဝေဒနာများ သက်သာစေသည်။ မိခင်နို့ကို လည်းထွက်စေနိုင်သည်။ 💚အပွင့်ကို အသုံးပြုပုံ💚 (၁) အဆုတ်ရောင်ရောဂါနှင့် ပန်းနာရင်ကြပ်ရောဂါရှိသူများသည် သက်ရင်းကြီးပင် အပွင့်ပွင့်ချိန်တွင် အပွင့် များကို ခူးယူထားပြီး ဆားရည်စိမ်ထားကာ ရက်ရှည်စားသုံးခြင်းဖြင့် နာတာရှည်အဆုတ်နှင့် ပတ်သက်သော ရောဂါများ ပျောက်ကင်းစေနိုင်သည်။ (၂) သက်ရင်းကြီးအပွင့်ကို ပြုပ်၍ အတို့အမြှုပ်ပြုလုပ်စားလျှင် ဝမ်းကိုက်ရောဂါနှင့် ဝမ်းဗိုက်ရောင်သော ရော ဂါများ သက်သာစေနိုင်သည်။ #လေးစားစွာဖြင့်crdပေးပါသည် #အားလုံးကိုယ်စိတ်နှစ်ဖြာကျန်းမာကြပါစေ #ကျန်းမာရေးဗဟုသုတရကြပါစေ ကြည်လွင်မြင့်(မုဒြာ) ရတနာပုံသတင်းစာ။ အခြားရောဂါများ ဥတု ဖျားများ တုတ်ကွေးဖျားများ ဝင်ရောက်ခြင်းဘေးမှလည်း ကာကွယ်နိုင်သည်။#မေတ္တာဖြင့်ပြန်လည်မျှဝေပါသည် - @saiyanthein2