@kham.zorm.fa: 🌸 ၼွင်ႉၸၢႆး ၽွင်းမိူဝ်ႈႁဝ်းတိုၵ်ႉၼုမ်ႇ ပေၵုမ်ႇမိုင်ႉၸွမ်းၸႂ် ၶမ်ႈၼႂ်လီၶတ်းႁႅင်း ႁွမ်ပႅင်းတၢင်းႁူႉဢွၼ်ႇ ပေႁွၼ်ႇၶၢၼ်ႉဢိူၼ်ဢႃး ပႃးဢဝ်ထူင်ၵွင်ႉမႃႇ ၼွင်ႉၸၢႆးၵႂႃႇႁဵၼ်းဢဝ် ၼၵ်းမိူဝ်ႈလဵၵ်ႉၵေႃႈ ယႂ်ႇမႃးမဝ်ဢိူဝ်ႈ ၼွင်ႉၸၢႆးပီႈ။ 🌸 ၼွင်ႉၸၢႆး ပေႃးၼွင်ႉၵဝ်ႁႅင်ႉႁၢႆႉ ၶၢႆႉၸွမ်းလွၵ်းပိူၼ်ႈယွၵ်ႇ ဢွၵ်ႇၸွမ်းလွၵ်းပိူၼ်ႈမဵတ်း ႁဵတ်းႁွတ်းတၢပ်ႇၵႃႈပွင်ႇ ၸိမ်းၵူႊဝွင်ႇ ၵိၼ်ၵူႊလၢႆး ပဵၼ်ၵူၼ်းၸၢႆးပႅတ်ႈလၢႆ ၶိူဝ်းတေႁၢႆ မိူင်းတေတႅၵ်ႇ ၶႅၵ်ႇၶဝ်တေၵုမ်းၵမ် ယိပ်းငမ် မိူဝ်ႈႁဝ်းတိုၵ်ႉလိုမ်းတူဝ်ဢိူဝ်ႈၼွင်ႉၸၢႆးပီႈ။ 🌸 ၼွင်ႉၸၢႆး ပေႃးၼွင်ႉၵဝ်ၵုမ်ႇယွင်ႇ ၵိၼ်ၵႃႈပွင်ႇၵႃႈပဵၼ် ၶဵၼ်ၶဝ်ၶႅၼ်းၸူမ်းသိူဝ်း တိူဝ်းငၢႆႈတႃႇႁူၺ်းၸၼ် ယိင်းတႆးဢၼ်လမ်ႇမၢၵ်ႈ ထွတ်ႇငၢၵ်ႈၸွမ်းၶဝ်မိူဝ်း ယၢမ်းၼၼ် ၼွင်ႉၸၢႆးဢိူဝ်း မႂ်းတေၼႄးဝႃႈ ပဵၼ်ယွၼ်ႉၽႂ်။ 🌸 ၼွင်ႉၸၢႆး ယိင်းႁၢင်ႊလီ ၵွပ်ႈလိၵ်ႈလၢႆး ၸၢႆးႁၢင်ႊလီ ၵွပ်ႈႁတ်းႁၢၼ် ၼႆဝႃႇ။ ပုၼ်ႈပၢင်ႈတႃႇႁႄႉၶဵၼ် ထိင်းငမ်းယဵၼ်မိူင်းတႆး ႁူတ်းၾႆးသေႃးၵလူင် သွၼ်းပူင်ဝၢၼ်ႈမိူင်းၵတ်း တၢင်းႁတ်းႁၢၼ်ၼွင်ႉၵဝ် ယႃႇဢဝ်ၸႂ်ႉတိုဝ်းၽိတ်း ႁိူင်ႈမိတ်းၸွမ်းတၢင်းသူင်ႁဝ်းၼႃႈ။ 🌸 ၼွင်ႉၸၢႆး တႄႇပေႃႈမႄႈမႂ်းၵႂႃႇ ပူႇၼၢႆးဝႃႇ တင်းၸိူဝ်း ၸၢဝ်းၶိူဝ်းႁဝ်းၼႆၵေႃႈ ၶဝ်တေႃႈၸႂ်ယႂ်ႇမႂ်း တႂ်းမွင်းၵေႃႉတေပွင် ၵေႃႇၵွင်ၸိူဝ်ႉၸၢတ်ႈႁဝ်း သိုပ်ႇသဝ်းၵတ်းယဵၼ်လႄႈ ၼွင်ႉၸၢႆး ႁႂ်ႈမေႃဝႄႈၵၢၼ်မိူၵ်ႈ လိူၵ်ႈမေႃႁဵတ်းၵၢၼ်လီ တၢင်ႇယွမ်ႉသီၸိူဝ်ႉၸၢတ်ႈ ဝၢၼ်ႈမိူင်းႁိူဝ်ႈႁိူင်း။ ႁၢၼ် - { ၵႃလီႉ } ႓႐ / ႖ / ႒႐႑႗ 2 : 00 P.M

K- HARN [KAR-LI]

Open In TikTok:

Region: MM

Tuesday 14 July 2026 03:28:23 GMT