@qabayelwaxxir: امام العصر علامہ سید انور شاہ کشمیریؒ: علم کی دنیا کا وہ سورج جو کبھی نہیں ڈوبتا! حکیم الامت علامہ اقبالؒ نے رو کر کہا تھا:" مسلمانوں کی تاریخ میں گزشتہ پانچ سو سال میں علامہ انور شاہ کشمیری جیسا جلیل القدر عالم پیدا نہیں ہوا، اور اگر علامہ اندلس (اسپین) میں پیدا ہوتے تو لوگ ان کی قبر پر حج کرنے جاتے۔" یہ الفاظ بیسویں صدی کے سب سے بڑے محدث اور مفسر، امام العصر علامہ سید انور شاہ کشمیریؒ کے لیے کہے گئے تھے۔ آپ 26 نومبر 1875ء (بمطابق 27 شوّال 1292ھ) کو وادیِ کشمیر کے ایک خوبصورت گاؤں "دودھ کُل" (وادیِ لولاب) میں ایک علمی اور سادات گھرانے میں پیدا ہوئے علم کا یہ روشن چراغ 28 مئی 1933ء (بمطابق 3 صفر 1352ھ) کو آدھی رات کے وقت تقریباً 57 سال کی عمر میں ہمیشہ کے لیے غروب ہو گیا۔ آپ کی وفات انڈیا کے شہر دیوبند میں ہوئی اور وہیں عیدگاہ کے قریب آپ کو سپردِ خاک کیا گیا۔ الله پاک نے آپ کو ایسا "فوٹو گرافک حافظہ" دیا تھا کہ زندگی میں جو کتاب ایک بار نظر سے گزر گئی، وہ سطر اور صفحہ نمبر سمیت ذہن میں نقش ہو گئی۔ دارالعلوم دیوبند میں آپ نے تقریباً 12 سال صدر مدرس کے طور پر خدمات سرانجام دیں۔ جب آپ مصر تشریف لے گئے، تو وہاں کے بڑے بڑے شیوخ اور کتب خانوں کے نگران آپ کے علم کا سمندر دیکھ کر دنگ رہ گئے اور اعتراف کیا کہ ایسا حافظہ اور علمی گرفت انہوں نے زندگی میں نہیں دیکھی۔ قادیانی فتنے کے خلاف آپ نے جو علمی اور قانونی جنگ لڑی، وہ تاریخ کا سنہرا باب ہے۔ آپ فرماتے تھے: "اگر کوئی مجھ سے پوچھے کہ انور شاہ تم نے زندگی میں کیا کیا؟ تو میں فخر سے کہوں گا کہ میں نے عقیدۂ ختمِ نبوت کا دفاع کیا ہے۔ ایک مرتبہ کسی نے آپ سے پوچھا: " حضرت! آپ کو اتنی کتابیں اور حوالے کیسے یاد رہتے ہیں؟" آپ نے مسکرا کر جواب دیا: "لوگو! میں نے زندگی میں کبھی بھی ناپاکی یا بغیر وضو کی حالت میں کسی کتاب کے کاغذ کو ہاتھ نہیں لگایا۔ یہ علم کی برکت اسی ادب کا نتیجہ ہے۔" آپ کا پھیلایا ہوا نور اور علمی تصانیف (جیسے فیض الباری) آج بھی پوری کائنات کو روشن کر رہی ہیں۔ الله پاک حضرت شاہ صاحب کے درجات بلند فرمائے اور ہمیں اپنے اسلاف کی قدر کرنے کی توفیق دے۔ (آمین) @★𝗪𝗔𝗦𝗘𝗘𝗠✦𝗤𝗔𝗕𝗔𝗬𝗘𝗟★

Naqsh_e_Aslaf_Official

Open In TikTok:

Region: PK

Tuesday 14 July 2026 08:54:46 GMT