کچھ رشتے محبت سے نہیں… احسان جتا کر نبھائے جاتے ہیں۔ یہ جو تمہارے اپنے ہیں نا… اگر کبھی ان سے تمہاری بحث ہو جائے، تو بہت سے لوگ سب سے پہلے وہ احسان گنوانا شروع کر دیتے ہیں جو انہوں نے کبھی تم پر کیے تھے۔ یاد دلایا جاتا ہے کہ تمہیں کھلایا، پہنایا، سنبھالا، اور تمہارے لیے کیا کیا کیا۔ ایسے لمحوں میں انسان کو احساس ہوتا ہے کہ کچھ رشتوں میں محبت کم اور حساب زیادہ رکھا گیا تھا۔ حالانکہ سچی محبت کبھی اپنی نیکیوں کا حساب نہیں مانگتی۔ وہ احسان جتانے کے لیے نہیں، نبھانے کے لیے ہوتی ہے۔ جو ہر نیکی کا بدلہ زبان پر لے آئے، وہ دراصل اس نیکی کی روح کو کمزور کر دیتا ہے۔ یہ بھی حقیقت ہے کہ ہر گھر اور ہر رشتہ ایسا نہیں ہوتا۔ بہت سے والدین اور اپنے ایسے بھی ہوتے ہیں جو بے لوث محبت کرتے ہیں، کبھی اپنے احسان نہیں جتاتے اور اولاد کی خوشی ہی اپنی خوشی سمجھتے ہیں۔ اس لیے ہمیں بھی کوشش کرنی چاہیے کہ اگر کسی کے لیے کچھ کریں تو صرف اللہ کی رضا کے لیے کریں، نہ کہ کسی دن اسے شرمندہ کرنے کے لیے۔ کیونکہ احسان وہی خوبصورت ہوتا ہے جسے کرنے والا بھی بھول جائے، اور جس پر کیا گیا ہو وہ عمر بھر یاد رکھے۔ #LifeQuotes #Relationships #Respect #Character #UrduQuotes - @masoomlover03