@basit.baloch795: “تئی مِھر ءِ شھید" پہ ھُدا ءَ بِچّار اِے تَوار ءَ وَتی شیرکِنی ءَ بِدار اَرس رودینتگیں اوستے ءِ دامُن ءَ آ وڑ ءَ ٹپ نہ آں انگت من گوں وتی باتن ءِ مَردُم ءَ اَنچو وشّ گَپّ نہ آں آس ءُ ھُون ءِ ھوس مِھروان اِیں وتی مِھر ءِ پولِنگ اِیں رَنگ پہ تسلہ یے ءِ واھَگ ءَ اُمرے ءَ گوں تو بِیت چون جَنگ دِل کہ ھیسکارَگ ءِ کدرتاں سَرپَد اِنت پہ تئی واست ءَ زروکیں بَھارانی نیمون اَں دَر پہ دَر اِنت بے دیاریں تب ءِ واھَگانی مُساپر تئی مِھراں رَد نہ اِنت زِند ءِ کوڑاچھیں آسری مِنزِل ءِ اِے وَدار تاں کَد اِنت من گُلامے ءِ زِندان ءَ بَندیگے ءِ تْراولانی جساں سَر مہ چُنڈیں سَرانی سراں پد جن آں ناں من راہ بے رس آں پہ تئی بے مھری ءِ کدرتاں ھمبری چے گشئے بے وس آں! ھانی ھانی کن آں ءُ مُریدی رگانی تھا تلوس آں؟ اِے مَنی زِندگی ءِ تماشہ نہ اِنت کہ تئی مِھر ءِ زرِ ءَ من تچوکیں لدانی تب ءَ گوں بہ باں وتسر ءَ ھَوں بہ باں بَل من ءَ من وتی جَنگَل ءِ ستکگیں موسُم ءِ کسھاں درچن آں ءُ وتا برزی شاہ ءَ چہ ڈک داتگیں جنگے ءَ سر چن آں درستاں آسر کن آں نُوں وتا سَر کن آں بِیا تئی مِھر ءِ شھید ءَ کسارت کن آں کَبر ءُ گارت کَناں ۔ ( ✍️ مِیر دادؔ بَلوچ )