@hanaadil3790: الواحد بقى يراجع مواقفه القديمة ويضحك على طيبة قلبه اللي كانت بتوزع الفرح للناس وهو فاكر إنو "الخير" اللي بيمناهو ليهم بيرجع لينا بنفس المحبة والتقدير☺️ كنا بنفتكر إنو النفوس صافية وإنو زي ما نحن بنعزهم وبنحاول نفرحهم بكلمة أو موقف هم كمان بيقدروا ده بس الحقيقة كانت أصعب اكتشفنا إنو لبعض الناس نحن ما كنا غير مساحة للتسلية وقت الفراغ أو محطة موقتة لحدي ما يجي البديل وأول ما يلوح في الأفق الجديد بتسقط كل أقنعة الود القديم وبتبدأ نظرة الاستعلاء وبنصبح بالنسبة ليهم مجرد ذكرى أو زول ما ليهو قيمة في دنيتهم الجديدة.🩷 الدرس كان قاسي بس علمنا إنو "الطيب" ما دائما بيلاقي اللي بيقدره وإنو استنزاف طاقتنا عشان نفرح ناس ما شافت فينا غير وسيلة تضييع وقت هو أكبر ظلم بنرتكبه في حق نفسنا وبعد التجربة دي لقيت نفسي واقفة مع روحي وقفة صلح وبقيت أشوف الأمور بوضوح أكتر. اللي اختار يتسلى بي ويتركني لما لقى البديل علمني درس غالي إنو وجودي في حياة الناس لازم يكون تقدير مو استغفال. اخترت أطلع من الحكاية دي بسلام☺️ وأحفظ لنفسي هيبتها وأخلي كل زول في مكانه اللي اختاره هو لنفسه لأنو اللي ما عرف قيمتي وأنا معاهو ما بيلزمني أبحث عنه بعد ما راح🫡🙂‍↔️ #كلام_جميل #هنوش_هنو #كلام_من_القلب #السودان_مشاهير_تيك_توك_🇸🇩🇸🇩🇸🇩 #خواطر_للعقول_الراقية

Hana Ãdil🌼

Open In TikTok:

Region: SD

Tuesday 14 July 2026 18:44:31 GMT