@5i8_j: يا وجودي وجد من قطّعت عنه العلوم ‏انقطاع الدلو يوم انقطع منه الرشا ‏جارحه مخلب زمانه وهو بديار قوم ‏جاليٍ من طارف النّاس يجفل ويخَشى ‏ضايقٍ صدري وأسامر مع الليل النجوم ‏واهني من يرقد الليل لا صلى العشا ‏آترقّب من يجيب البشاير كل يوم ‏مؤمنٍ يفعل بي الله تعالى ما يشا ‏الفراق أحيان يطرح قويّين العزوم ‏طرحة اللي صابه الرمح في وسط الحشا ‏من شجاعٍ كل من طاح توّه ما يقوم ‏لا رمى الرجال جاه وخذا الرمح ومشى ‏الضلوع العوج كن بينها لفح السّموم ‏من غياب اللي على الزين والعفّه نشا ‏عاد قلبي كل ليلة يصوت للهموم ‏ کنّه ابن مهيد لا جاء يصوت للعشا.

الرهاوي💙

Open In TikTok:

Region: SA

Tuesday 14 July 2026 18:47:23 GMT