@dr.zahrafit: ⁨ سلبيات وأخطاء بالكركديه محد يحچي عنها! أول شي… الكركديه المجفف لا تستخدموه مباشرة بدون غسل، لأن أثناء التجفيف والتخزين والنقل ممكن يتعرض للأتربة والشوائب، لذلك اغسلوه سريعًا بمي نظيف قبل التحضير. ثاني خطأ: لا تخلون الكركديه يغلي على النار فترة طويلة! الكركديه غني بالأنثوسيانينات، وهي مركبات نباتية مسؤولة عن لونه الأحمر وجزء من خصائصه المضادة للأكسدة، والتسخين الشديد والمطوّل ممكن يؤثر على استقرار بعض هذه المركبات. الأفضل تنقعوه بمي دافي بالثلاجة عدة ساعات، أو تستخدمون مي حار بدون غلي مطول وانتبهوا… الكركديه مو مناسب للجميع! الحوامل الأفضل يتجنبوه، لأن ما عدنا أدلة كافية تثبت أمان تناوله بكميات علاجية أو منتظمة خلال الحمل. والأشخاص اللي ضغطهم واطي، أو ياخذون أدوية للضغط، لازم ينتبهون لأن الكركديه ممكن يخفض ضغط الدم أكثر. ومرضى السكري، خصوصًا اللي يستخدمون أدوية أو أنسولين، يراقبون السكر لأن الكركديه ممكن يكون إله تأثير خافض لسكر الدم، وبالتالي احتمال يزيد تأثير العلاج عند بعض الأشخاص. وطبعًا أكبر غلطة؟ تشربون الكركديه وتضيفون له كمية كبيرة من السكر! لأن هنا حولنا مشروب قليل السعرات إلى مشروب مليان سكر. وأخيرًا… إذا تريدون الطعم يصير كلش طيب ومنعش، ضيفو له مياه غازية بدون سكر 🍹🌺 راح يطلع عندكم مشروب صيفي منعش وطعمه كلش طيب.👌

Dr.zahrafit

Open In TikTok:

Region: IQ

Tuesday 14 July 2026 20:19:28 GMT