@ashe_ye_buzye_lij: #post 842 | "ብቻውን የሚኖር ሰው ብቸኛ ነው" የሚል አስተሳሰብ ብዙ ጊዜ እንሰማለን። ግን እውነቱ ይህ አይደለም። ሰው ብቻውን ሲሆን ራሱን ያገኛል፤ ሀሳቡን ያስተካክላል፤ የነገውን ሕይወቱን ይገነባል። ​ዛሬ ላይ የተሳካላቸውን ሰዎች ታሪክ ብታነብ፣ ብዙዎቹ ለራሳቸው የሚሆን ጸጥ ያለ ጊዜ እንደነበራቸው ታያለህ። ያ ጊዜ የባከነ ጊዜ አልነበረም፤ የሕይወታቸው መሠረት ነበር እንጂ። ዛሬ ደግሞ ለአንተ አዎ ለአንተ ይህን ለምታነበው ብቻህን ስትሆን ሕይወትህን ሊቀይሩ የሚችሉ 10 ነገሮችን እነግርሃለሁ! ​1ኛ. መጽሐፍ አንብብ​፦ አንድ ጥሩ መጽሐፍ ከመቶ የማይጠቅሙ ውይይቶች ይሻላል። ማንበብ እውቀትን ብቻ አይጨምርም፤ አስተሳሰብን ያሰፋል፣ ትዕግሥትን ያስተምራል፣ ቃላትን ያበለጽጋል። ስለዚህ መጽሐፍ ማንበብ ማለት በብዙ ዓመታት ልምድና ምርምር የተገኘን ጥበብ በጥቂት ሰዓታት ውስጥ መቅሰም ማለት ነው። ብቸኝነትህን በታላላቅ ሰዎች አእምሮና አስተሳሰብ የምትሞላበት ድልድይ ነው። (((And develop a habit of reading books))) ​2ኛ. ራስህን ጠይቅ፦ ​"የት ነኝ? ወዴት እየሄድኩ ነው? ምን ማሻሻል አለብኝ?" የሚሉ ጥያቄዎች የእድገት መንገድን ይከፍታሉ። ምክንያቱም ራስን አለመጠየቅ ዝም ብሎ በሕይወት ማዕበል መነዳትን ያመጣል። ጸጥታው ውስጥ ሆነህ የምታደርገው የራስ-ፍተሻ የሕይወትህን ኮምፓስ በትክክለኛው አቅጣጫ እንድታስተካክል ይረዳሃል። ​3ኛ. የቀን ማስታወሻ ጻፍ፦ ​የሚያስደስትህን፣ የሚያሳዝንህን፣ የተማርከውን ጻፍ። የተጻፈ ሕይወት ከማይጻፍ ሕይወት የበለጠ ግልጽ ይሆናል። ስሜትንና ዕቅድን መጻፍ በአእምሮህ ውስጥ የተበታተኑትን ሐሳቦች ሰብስቦ መሬት ያስይዛቸዋል። የትናንት ስህተትህን እንድታርምና የነገ ጉዞህን በግልጽ እንድታይ ያደርግሃል። ​4ኛ. ሰውነትህን አንቀሳቅስ፦ ​ቀላል የእግር ጉዞ ወይም ስፖርት ሰውነትን ብቻ ሳይሆን፤ አእምሮንም ያድሳል። አካላዊ እንቅስቃሴ ደስታንና ንቃትን የሚሰጡ ሆርሞኖችን ያመነጫል። አካልህ ሲጠነክር አእምሮህም አስቸጋሪ ሁኔታዎችን የመቋቋም አቅሙ እጥፍ ይጨምራል። (((እና ስፖርት ስራ!))) ​5ኛ. አዲስ ክህሎት ተማር፦ ​ዛሬ የምትማረው ትንሽ ክህሎት ነገ የሕይወትህ የገቢ ምንጭ ሊሆን ይችላል። ዓለም በየቀኑ እየተቀየረች ነው። ብቻህን የምትሆንበትን ጊዜ አዲስ ቋንቋ፣ የቴክኖሎጂ እውቀት ወይም ሌላ ሙያ ለመማር ብትጠቀምበት ራስህን ለትልቅ የገበያና የሕይወት ዕድል ታዘጋጃለህ። ​6ኛ. ስልክህን ለጥቂት ጊዜ አስቀምጥ፦ ​ሰዓታትን በማህበራዊ ሚዲያ ከማሳለፍ ይልቅ ለራስህ ጊዜ ስጥ። የአእምሮ ሰላም ዋጋ አለው። የማያቋርጥ የስልክ ማስታወቂያዎች (Notifications) እና የሌሎች ሰዎች የውሸት ድምቀት አእምሮህን ያደክሙታል። ስልኩን ዘግተህ ስትቀመጥ ትኩረትህና ሰላምህ ወደ ቦታቸው ይመለሳሉ። ​7ኛ. ጸሎት ወይም ማሰላሰል፦ ​ሰው ሁሉንም ነገር ሲያጣ ተስፋውን አይጣ። ጸሎት ወይም ጥልቅ ማሰላሰል ልብን ያረጋጋል። ከፈጣሪህ ጋር በጸሎት ስትገናኝ ወይም በዝምታ ስታሰላስል ከውስጥህ የሚመነጭ ጥልቅ ሰላም ታገኛለህ። ይህም ውጫዊው ዓለም ቢናወጥ እንኳ አንተ ጸንተህ እንድትቆም ያደርግሃል። (((so always pray))) ​8ኛ. ቤትህን አስተካክል፦ ​የተስተካከለ አካባቢ የተስተካከለ አስተሳሰብን ይገነባል። ትንሽ ማጽዳት እንኳን ስሜትን ሊያሻሽል ይችላል። የምትኖርበት ክፍል የተዝረከረከ ከሆነ አእምሮህም ይዝረከረካል። አካባቢህን ስታጸዳና ስታስተካክል በውስጥህ አዲስ የመሥራትና የመነቃቃት መንፈስ ይፈጠራል። ​9ኛ. ምስጋናን ልማድ አድርግ፦ ​ያለህን ስታመሰግን የሌለህ ነገር ብቻ አይታይህም። ምስጋና ልብን ያበራል። ምስጋና የድህነትና የችግር ስሜትን አጥፍቶ የተትረፈረፈ ሕይወት እንዳለህ እንዲሰማህ ያደርጋል። ባሉህ ትናንሽ በረከቶች ስትደሰት፣ ትላልቅ በረከቶች ወደ ሕይወትህ ይሳባሉ። ​10ኛ. ከትናንት የተሻለ ሰው ሁን፦ ​ከሌሎች ጋር አትወዳደር። ዛሬ ከትናንት አንድ እርምጃ ብቻ ብትሻሻል ከአመት በኋላ ትልቅ ለውጥ ታያለህ። ብቸኛው ጤናማ ውድድር ከራስህ ጋር የምታደርገው ነው። በየቀኑ 1% እንኳ ራስህን እያሻሻልክ ከሄድክ፣ ከጥቂት ጊዜ በኋላ መድረስ ከምትመኘው ቦታ ላይ ራስህን ታገኘዋለህ። ​ አና ወንድሜ ብቻህን የምታሳልፈው ጊዜ ቅጣት አይደለም፤ ስጦታ ነው። ያንን ጊዜ በማማረር ከማጥፋት ይልቅ በመማር፣ በማንበብ፣ በመጸለይ፣ በማሰብ እና ራስህን በማሻሻል ተጠቀምበት። ​ምክንያቱም አንድ ቀን ሰዎች "እንዴት እዚህ ደረስክ?" ብለው ሲጠይቁህ፣ "ማንም በሌለበት ጊዜ ራሴን በመገንባት ነው" ብለህ በኩራት ትመልሳለህ።.......(((እወድሃለሁ✌))) #አሼ_ነኝ✌ #ቤቱን_like_share_follow_copylink_repost_ማድረጋችሁን_አትርሱ🙏

Äşĥę Mąñ✍✌

Open In TikTok:

Region: ET

Wednesday 15 July 2026 09:01:22 GMT