@guushamedia1: Sheekh Axmed Nuur Cali Jimcaale ayaa dardaaran qiimo badan u jeediyay arday ka qalin-jabisay Kulliyadda Shareecada iyo Hoggaanka. Anigu shaqsi ahaan aqoon gaar ah uma lihi, weligayna lama kulmin. Laakiin muddo dheer waxaan arkayay, ama maqlayay, waxyaabaha kheyrka ah ee uu bulshada u qabto. Waxa cajiibka ah ee lagu xasuusto Sheekh Axmed Nuur Cali Jimcaale waa sida uu maalkiisa ugu bixiyo fidinta cilmiga iyo taageeridda dadka. Wuxuu hirgeliyay goobo waxbarasho oo ay kumannaan arday wax ku bartaan, kuwaas oo ay ka faa'iideystaan dad badan oo aan awood dhaqaale lahayn. Arday badan ayaa halkaas si lacag la'aan ah uga barta laga bilaabo dugsiga Qur'aanka ilaa heer jaamacadeed, waxaana sidoo kale loo diyaariyaa hoy iyo cunto bilaash ah. Taasi waxay muujinaysaa dadaalka joogtada ah ee uu ku bixinayo horumarinta cilmiga iyo u adeegidda bulshada. Alle ha u barakeeyo maalkiisa iyo cimrigiisa, hana ka abaalmariyo kheyrka uu bulshada u hayo. Muuqalkan waa qayb kooban oo aan ka soo jaray khudbaddii uu ka jeediyay munaasabadda. Khudbadda oo dhammaystiran waxaad ka daawan kartaa kanaalka Asal Diini ee YouTube. #guushamedia #LikeFollowShare

Guusha Media

Open In TikTok:

Region: SO

Wednesday 15 July 2026 10:00:00 GMT