குவைத் ஜலீப்பில் மிகப்பெரிய அதிரடி சோதனை: 350 கட்டிடங்கள் காலி – 1,000-க்கும் மேற்பட்ட கட்டிடங்களில் ஆய்வு தீவிரம்..! குவைத்தின் ஜிலீப் அல்-ஷுயூக் பகுதியில், அண்மைக் காலங்களில் இல்லாத அளவிலான மிகப்பெரிய பல்துறை அதிரடி சோதனை நடைபெற்று வருகிறது. முதல் துணைப் பிரதமரும் உள்துறை அமைச்சருமான ஷேக் ஃபஹத் அல்-யூசுப் தலைமையில் நடைபெறும் இந்த நடவடிக்கையில், உள்துறை அமைச்சகம், குவைத் ராணுவம், தேசிய காவல் படை மற்றும் பல்வேறு அரசு துறைகள் இணைந்து செயல்பட்டு வருகின்றன. தீயணைப்பு மற்றும் பாதுகாப்பு விதிமுறை மீறல்கள், குடியிருப்பு மற்றும் தொழிலாளர் சட்ட மீறல்கள், நகராட்சி விதிமுறை மீறல்கள் உள்ளிட்ட பல்வேறு குற்றச்செயல்களை கண்டறிவதே இந்த சோதனையின் நோக்கமாகும். இந்த நடவடிக்கையின் ஒரு பகுதியாக, 1,000-க்கும் மேற்பட்ட குடியிருப்பு கட்டிடங்களில் ஆய்வு மேற்கொள்ள திட்டமிடப்பட்டுள்ள நிலையில், இதுவரை சுமார் 350 கட்டிடங்கள் காலி செய்யப்பட்டுள்ளன. கட்டிடங்களில் வசித்து வந்தவர்கள் பாதுகாப்பாக வெளியேற்றப்பட்டு, சிறப்பு பேருந்துகள் மூலம் தற்காலிக தங்குமிடங்களுக்கு அழைத்துச் செல்லப்பட்டதாக அதிகாரிகள் தெரிவித்துள்ளனர். ஆய்வுப் பணிகள் தொடர்ந்து நடைபெற்று வருகின்றன. (Source:moi_kuw) #Kuwait #kuwaitairways #KuwaitNews #kuwaittamilan #KuwaitTamilNews - @kuwaittamilan4