@dad.sirri: Yayın ən gözəl nemətlərindən olan armud və ərikdən bu gün iki ənənəvi mürəbbə hazırladım. 🍐🍑 Armud mürəbbəsi 1 kq armud üçün 900 q şəkər və 1 stəkan sudan şirə hazırladım. Şəkər tam həll olduqdan sonra armudları şirəyə əlavə etdim. Mürəbbəni meyvələri 4 saat şirədə saxlayaraq iki mərhələdə bişirdim. Son bişirmə zamanı xoş ətir verməsi üçün içinə bir ədəd darçın çubuğu əlavə etdim. Hazır olduqdan sonra isə zövqə görə qoz ləpələri ilə bəzədim. İstəsəniz, bu əlavələri etməyə də bilərsiniz. Ərik mürəbbəsi 1 kq ərik üçün 900 q şəkər və 1 stəkan sudan şirə hazırladım. Ərikləri şirəyə əlavə edib, hər bişirmə arasında 4 saat gözlətməklə üç dəfə bişirdim. Sonda zövqə uyğun olaraq badam ləpələri əlavə etdim. Badam istifadə etmək tamamilə seçimdən asılıdır. Belə hazırlanan mürəbbələr meyvənin öz rəngini, ətrini və formasını daha yaxşı qoruyur. Nəticədə həm görünüşü, həm də dadı ilə çay süfrələrinə xüsusi gözəllik qatan, ənənəvi mürəbbələr alınır.Hazirlayan hər kəsə nuş olsun 🌹

Dad.Sirri

Open In TikTok:

Region: AZ

Wednesday 15 July 2026 15:42:46 GMT