@maythanlwinsanko318: လောကမှာ ခွင့်လွှတ်ဖို့ အခက်ခဲဆုံးအရာက ဘာလဲလို့မေးရင် “ကိုယ့်အသက်ထက်ချစ်ရတဲ့သူတွေ၊ ကိုယ်ယုံကြည်ခဲ့ရတဲ့သူတွေဆီက ရလာတဲ့ နာကျင်မှုတွေ” လို့ပဲ ဖြေရပါလိမ့်မယ်။ အဝေးကလူတစ်ယောက်က ကိုယ့်ကိုခဲနဲ့ပေါက်ရင် နာရုံပဲနာပေမယ့်၊ အနီးဆုံးလူက ပစ်လိုက်တဲ့ မြားကတော့ နှလုံးသားတည့်တည့်ကို အဆိပ်လူးပြီး မှန်တတ်လို့ပါ။ ဒါကြောင့်လည်း စိတ်နာတယ်၊ ခွင့်မလွှတ်နိုင်ဘူးဆိုတဲ့ ခံစားချက်တွေ ပေါက်ဖွားလာရတာ သဘာဝကျပါတယ်။ ဒါပေမဲ့... တစ်ဖက်လူကို စိတ်နာပြီး ခွင့်မလွှတ်နိုင်ဘဲ အာဃာတတွေကို ဆုပ်ကိုင်ထားတဲ့အခါ အဲဒီအပူလှိုင်းတွေက တစ်ဖက်လူဆီကို မရောက်ဘဲ ကိုယ့်ရဲ့ရင်ဘတ်ထဲမှာပဲ အချိန်ပြည့် လောင်မြိုက်နေတတ်ပါတယ်။ အိပ်မပျော်တာ၊ စားမဝင်တာ၊ တွေးမိတိုင်း စိတ်မချမ်းသာဖြစ်ရတာတွေဟာ တစ်ဖက်လူ ခံစားရတာမဟုတ်ဘဲ ကိုယ့်ကိုယ်ကိုပဲ ပြန်ပြီး အပြစ်ပေးနေသလို ဖြစ်နေတတ်ပါတယ်။ "ခွင့်မလွှတ်နိုင်ခြင်းဆိုတာ တစ်ဖက်လူ သေပါစေဆိုပြီး ကိုယ်တိုင် အဆိပ်သောက်နေရသလိုပါပဲ။" ခွင့်လွှတ်တယ်ဆိုတာ တစ်ဖက်လူရဲ့ အမှားကို အသိအမှတ်ပြုပြီး လက်ခံလိုက်တာမဟုတ်သလို၊ သူတို့လုပ်ခဲ့တာတွေက မှန်ပါတယ်လို့ သဘောတူလိုက်တာလည်း မဟုတ်ပါဘူး။ ခွင့်လွှတ်ခြင်းဆိုတာ "ဒီနာကျင်မှုတွေနဲ့ ငါ့ရဲ့ပစ္စုပ္ပန်ကို အဖျက်ဆီးမခံတော့ဘူး" လို့ ကိုယ့်ကိုယ်ကို လွတ်လပ်ခွင့်ပေးလိုက်တာပါ။ ကိုယ့်ရင်ဘတ်ထဲက အပူတွေကို ငြှိမ်းသတ်ပြီး မိမိကိုယ်ကို ပြန်လည်ကုစား (Heal) ဖို့အတွက် ရွေးချယ်လိုက်တဲ့ လမ်းစတစ်ခုပါ။ ခွင့်လွှတ်နိုင်ဖို့ဆိုတာ တစ်ရက်တည်း၊ တစ်ခဏတည်းနဲ့ ဖြစ်နိုင်တဲ့အရာ မဟုတ်ပါဘူး။ အချိန်ယူရပါမယ်၊ စိတ်ရှည်ရပါမယ်။ လေ့ကျင့်ယူရပါမယ်။ တွေးမိလို့ နာကျင်လာတိုင်း "ငါ့စိတ်ကို ငါအပူမပေးတော့ဘူး" လို့ ကိုယ့်ကိုယ်ကို ပြန်သတိပေးပါ။ ချစ်ရသူတွေကြောင့် ဒဏ်ရာရထားတဲ့ သင့်နှလုံးသားကို အမုန်းတရားတွေနဲ့ ထပ်ပြီး အနာမဆွပါနဲ့တော့။ ခွင့်လွှတ်ခြင်းရဲ့ အအေးဓာတ်နဲ့ ကိုယ့်ကိုယ်ကို ပြန်ပြီး သိုင်းဖက်ပေးလိုက်ပါ ။ သင့်စိတ်ကလေး အေးချမ်းသွားမှာပါ ။ #ရှမ်းမလေး💗💗🥀🇱🇹

181

There are no more comments for this video.

To see more videos from user @maythanlwinsanko318, please go to the Tikwm homepage.