@dailyreposts05: أصعب خناقة ممكن تدخلها في حياتك هي الخناقة اللي بتدور بين عقلك اللي مرتب الكلام ببرود ومقرر يبان قوي ومتماسك وبين صوتك اللي بيقرر فجأة يرفع راية الاستسلام ويفضح كل اللي حاولت تداريه بتبقى واقف محضر سيناريو كامل في دماغك ومرتب الحروف والكلمات بالمسطرة وبتقنع نفسك طول الطريق إنك هتدخل تتكلم بمنتهى الهدوء وهتقول اللي مضايقك بنبرة عادية جداً وتمشي كأن مفيش حاجة هزتك بس الحقيقة إن اللحظة دي بتبقى أشبه بخدعة بمجرد ما تبدأ تنطق أول جملة وتحس بغصة غريبة وقفت في حلقك بتكتشف إن اللعبة انتهت قبل ما تبدأ وتلاقي الحروف بدأت تترعش ومخارج الكلام بتهرب منك والنبرة الهادية اللي كنت مرتبها اتحولت في ثانية لنبرة طفل صغير مقهور تترجم كل الوجع اللي في قلبك من غير ما تقصد وكل الكُره للشعور ده لما تلاقي دموعك قريبة لمجرد إنك حاولت تعاتب ولما تضطر تسكت فجأة في نص الكلام وتعمل نفسك بتشرب مياه بس عشان تبلع ريقك وتسيطر على الهزة اللي في صوتك بس للأسف الكل بيبقى فهم وشاف الشرخ اللي جوة قلبك والوجع الأكبر والخذلان الحقيقي مش في إن صوتك اتهز وخانك الوجع الحقيقي هو لما تبص في عين الشخص اللي بتعتبه وهو سامع رعشة صوتك وشايف دموعك اللي بتحارب عشان متنزلش وتلاقيه بيبص لضعفك ده بمنتهى البرود ولا كأن في حاجة بتحصل بتكتشف وقتها إنك رخصت مشاعرك للي ما يسواش وإنك عريت قلبك قدام حد أعمى مش شايف غير نفسه وبس بتندم على كل كلمة وكل حرف نطقته وبتتمنى لو الأرض تتشق وتبلعك ولا إنك تبان بالضعف ده قدام عين باردة ومستهونة بوجعك بتخرج من الكلام بقلب مكسور ونبرة مهدومة وندم بياكل فيك لأنك ببساطة عاتبت اللي مبيعرفش يطبطب وسندت حكايتك على حيطة مايلة وطلعت في الآخر خسران صوتك وخسران نفسك وخسران حتى قيمتك في عيونهم. #ريبوست
