@za33g: باستني وكالت تعالي رفولـه فـ رحت لغرفتـه سديت الباب واتجمدت بمكاني من شفت نفس الغرفه الي اختاريتها ؟ والورد الاحمر مطشر بالگاع خنگتني العبره وودمعتي نزلت ع خدي ضليت صافنه بيها من جمالها شويه وكمت بدلت لبست دشداشـه ورديه ساده والدانتيل ذهبي مخصره ع جسمي وخليت شال خفيف ع راسي ونزلت يم خالـه مدري بس گلبي مشتاق الهااا اول ما شافتني كالت يمه هلا بالعروس ليش مانمتي خاف تعبانه من الطريق كتلهه لااا ابد بس مشتاقتلج ونزلت باستني وكالت والله فرحانه بجيتكم كعدنه وضلينه نسولف وكالت رونق موتتنه ع تاج ابتسمت وكتلهه لازم متعوده عليه ؟ كالت تاج طلع عينها علينه شويه وضربت رجلي بخفه وگالت يمه تم كلشي ع خير! بلعت ريگي ووجهي صخن دنگت وكتلهه يي خالـه ابتسمت وهزت راسهه فززني اخوو من طب وكال هااا مرت الغاليي كتله هلا علي كال خويه سؤال بنفسي ضل ؟ استغربت كتله جواب اتفضل كال منوو ضربج وكلج وافقي ع تاج خويه هوو اخوي هم وجهه وتوافقين بي؟ لا اراديااا ضحكت وامه كلتله هااا ولك مو اخلي يجيك ضحك وكال غير الحقيقه كتله بالعكس محترم وحباب هز ايده وكال صبغ هذا لان زوجج وخاله ضربته بالريمون الي يمهااا وهوو ضحك وطلع اخذتني السؤالف ويه خالـه وانتجيت ع التخم بنعاس شويه وكامت عمو صاحها ... رونق : طلعت من المطبخ واشوف رفـل كاعده وراسهه ع التخم ونايمه ! اللهم صلي ع محمد شگار شعرها تكول لعابه اصفررر وشالها نازل ع رگبتهه طب تاج وكال هاا ولج شسويتي بدوني جاي تقرين لوو لااا كتلهه يي حبيبي جاي اقره وأشرلته بعيوني ع مرتـه باوع لجهتها وضل صافن عليها بأعجاب ميل راسه يباوع الهااا ضربته بخفه وكتله احممم شو صفنت خزرني وكال رووونق ضحكت وهـو راح يمهااا رفعها من الكاع وشالها بحضنـه وصعد لغرفته ابتسمت ع منضرهم وكلت ربي يسعدهم ..منـاار : نزلت اتعشه وحسنين كال حـر يريد يحدد العرس فـ حددنه العرس بعد اسبوع ومن باجر نبدي نشتري نيشـان العرس فـ ثاني يوم راسلني حـر كال انه اخذج فـ لبست فستان محجبات لون جوزي وحزام ع الخصر وشويونه ضيگ بس حلوو ورهمت ويـاا شال اوف وايت وخليت مكياج وعطر وترتيبات فـ نزلت وابتسمت من شفت ماما مطببه حر بالاستقبال ويسولفون رحت بعفويه وكتله هلووو حـرر 🎀 كال بالمهليي ومن شافني الضحكة اللي جانت بوجهه اختفت بلحظة نزل عيونه على الفستان ورجع باوع لعيوني بنظرة حاده وشتت نضري من ماما كالت اخذو راحتكم وراحت گام وتقدم مني خطوتين ووكف كدامي مباشرة صار قريب كلش ونبرة صوته جانت ثكيلة وگال " هاي شنيي اللافتـه اللابستها ؟ عيونه تحولت لنار عكَد حاجبه بطريقة خوفتني ابتسمت بتوترر وكتله شسمـه ... فستان هذاا شــ شـ ..بـي ! گال لا والله ؟ فستان ؟ بابـه هذا مو فستان هذاا استهتـااار ! ​بلعت ريكي وكتله بصوت ناصي "حرر بس هو موديل هيج والناس كلها تلبس..." ​قاطعني وبحركة سريعة سحبني الـه وعيونه جانت تاكلني من الغيره گال "الناس ما يهمني شتلبس اللي يهمني إنتي.. إنتي مالتي ومحد يباوعلج غيري ..خصرج ومفاتنجج ما يطلعون للشارع فهمتيي ؟ القماش لازگ ع جسمج ومبينه حتئ كسرره خصرججج لا تخليني أصير عصبي منااارر ويخرب يومنـه من بدايته ​سكتت بخجل من كلامـه وبنفس الوقت صافنه ع غيرته الواضحة رغم قسوة كلامه بس جان اكو "حنية " مخفية ورا هذا الثكل دنگ لمستواي وكال بدليي ملابسج بابـه وخلي الله ساترنـه ! شفته عصبي حاولت اهدي وهمات ماريد يخرب يومنه ع كولته فـ كتلـه حـررر باوع بعيوني ينتضر كلامي ابتسمت بتوترر وكتلـه بأرتبااك" ااحـ...حـبـك لااا تعصب " هدئت ملامح وجهه واتقرب خطوه بسرعه رجعت خطـوه ليوره وكتله بضحكه رايحه ابدل ابتسم وهزز راسـه بنفاذ صبـرر ....يتبع

آلِــ عِــنِـــود 🎀

Open In TikTok:

Region: IQ

Wednesday 15 July 2026 20:41:58 GMT