@axxo_oi: خذلتني يا ابوي وخذلانك هدني كنت أحسبك ظهري ولكنك كسرتني كبرت وأنا اعد الأماني بيديني وكل ما تمنيت شي بيدك سلبتني كنت احتاج أمانك ولكنك نفيتني من دفا الأبوة ومن حضنك بعدتني أبي أمانك٬ أبي حضنك يحميني لقيتك اول خوفٍ بعمري واجهني أحسبك السند لا ثقلت ايامي تحملتني وألقاك اول واحدٍ في ضيقتي تركتني كنت استاهل حنانك ليه تحرمني وليه دايم بعينك قيمتي تستخسرني أنا بنتك٬ مو حملٍ ثقيل تشيلني ولا ذنبٍ قديمٍ على صدرك تعلقني نزل دمعي وآنا أحتاجك تواسيني وأمسحه بكمّي لآني استحيني جرحك مثل مريض السكري يأذيني كل ماطال صبري يزيده ينهشني جرحك مو لحظه٬ جرحك عمّرني صار وجعٍ مزمن بصدري سكنّي كل بنتٍ لها آبٍ يحضنها يفتنّي وآنا آوقف بعيد وأقول : ياليتني كنت آبي اب… وطلعت بدرسٍ يعلّمني آن بعض القرب قسوةٍ تذبحني وما عاد في قلبي مكانٍ يحتويني ولا عاد أسم الأب في صدري يطمّني آنا ماطلبت إلا آبٍ يحبّني بس قلبك كان عليّ دايم يقسّيني كبرت قبل وقتي ووجعك ربّاني وصرت أقوى لأنك تخلّيتني أنا بنتك ولو قسوتك قصّتني بس وجع الأب للابد معلّقني ماعاد في صدري حنينٍ يودّيني ولا بقى حلمٍ قديمٍ يناديني واليوم لا لوم٬ ولا دمع عينًن يحرّكني الصمت عقب الخذلان هو الي صبّرني

تِـــــذكَـــار!📽️

Open In TikTok:

Region: SA

Thursday 16 July 2026 05:10:25 GMT