@tibbiyot.103: Hurmatli doʻstlar, bizning maqsadimiz aholi oʻrtasida tibbiy madaniyatni oshirishdir. Har bir eʼlon qilinayotgan maʼlumot bir nechta mutaxassislar nazoratidan oʻtib, ilmiy manbalarga tayangan holda tayyorlanadi. 🔹 Ilmiy tadqiqotlarda 6 oylikkacha boʻlgan chaqaloqlarga ortiqcha suv berish natijasida giponatremiya (qondagi natriy miqdorining kamayishi) rivojlanishi mumkinligi qayd etilgan. 🔹 Ayrim holatlarda bu tutqanoq, miya shishishi va juda kam uchraydigan ogʻir vaziyatlarda hayot uchun xavfli asoratlar rivojlanishiga olib kelishi mumkin. 🔹 Tadqiqotlar shuni koʻrsatadiki, hatto juda issiq iqlim sharoitida ham faqat ona suti bilan oziqlanayotgan 6 oylikkacha boʻlgan chaqaloqlarga qoʻshimcha suv berishga ehtiyoj yoʻq. 🔹 JSST (WHO) tavsiyasiga koʻra, chaqaloqlar hayotining dastlabki 6 oyida faqat ona suti bilan oziqlantirilishi kerak. Bu davrda ularga suv ham, boshqa suyuqliklar ham berilmaydi. 🔹 Mazkur tavsiyalar JSST (WHO), UNICEF hamda xalqaro pediatriya tashkilotlarining rasmiy tavsiyalari va ilmiy dalillariga asoslangan. Hurmat bilan,Tibbiyot103 jamoasi.

TIBBIYOT103

Open In TikTok:

Region: UZ

Thursday 16 July 2026 06:20:24 GMT