ቀደምንም ዘገየንም መጨረሻችን መቃብር ነው!😭 እስኪ ቆም ብለን እናስተውል… ከዛሬ 80 (ሰማንያ) ዓመታት በኋላ፣ አሁን በዚህች ሰከንድ በምድር ላይ ካለን ሰዎች መካከል አንዳችንም በሕይወት አንገኝም። ዛሬ ቀንና ሌሊት የምንደክምላቸው፣ የምንጨነቅላቸው፣ የምንጣላባቸውና ሰላማችንን የምናጣባቸው የዚህች ዓለም ትግሎች 70 በመቶ የሚሆኑት ከ80 ዓመት በኋላ ፈጽመው ይጠፋሉ፤ ለምልክት እንኳ አይገኙም። ሁሉም ነገር ታሪክ ሆኖ ያልፋል፣ ይረሳልም። ትናንት የነበሩት ዛሬ የታሉ??? ወደ ኋላ 80 (ሰማንያ) ዓመታት ገደማ እንመለስ… ወቅቱ በ1930ዎቹና 1940ዎቹ ማብቂያ አካባቢ ነው። ያኔ በየአቅጣጫው ለሥልጣን፣ ለዝናና ለቁስ ይፋለሙ የነበሩ፣ ዓለምን ያጨናነቁ ኃያላንና ባለጸጎች ዛሬ የታሉ? እኛስ ዛሬ የምንሮጥለት ሩጫ ነገ አፈር ስንሆን ምን ዋጋ ይኖረዋል? “ሰውስ ዓለሙን ሁሉ ቢያተርፍ ነፍሱንም ቢያጠፋ ምን ይጠቅመዋል? ወይስ ሰው ስለ ነፍሱ ቤዛ ምን ይሰጣል?” (ማቴዎስ ፲፮፥፳፮) ዛሬ የታበይንበት ዝናና ስም ነገ የት ይገባል??? በዓለም ላይ ታላቅ ዝናን አትርፈው የነበሩትን ማይክል ጃክሰንን እና ሌሎች ታዋቂዎችን እስኪ እናስታውስ። ከሞቱ ገና ጥቂት አሥርት ዓመታት እንኳ ሳይሞላ ስማቸውና ዝናቸው ቀስ በቀስ እየተረሳ መጥቷል። ከ80 (ሰማንያ) ዓመታት በኋላማ እነዚህ ታዋቂ ሰዎች የሚባሉት ስሞች ፈጽሞ ከሰው ልጅ አእምሮና ትውስታ ይጠፋሉ። ዛሬ ልትሞትለትና ልትገድልለት የተዘጋጀኸው መሬት፣ ከዚህ ቀደምም ብዙዎች ተጋድለውለትና ደም አፍስሰውለት አልፈዋል። ዛሬ ግን እነዚያ ሰዎች ጭራሽ እንዳልነበሩ ሁሉ ተረስተዋል። ዛሬ አንተ እንደ ትልቅ ሀብት የምታያቸው አብዛኞቹ ነገሮች፣ ነገ አንተ መቃብር ስትገባ ምንም ፋይዳ የሌላቸው ተራ ቁሶች ብቻ ይሆናሉ። ዓለምና ምኞቷ ይልፋሉ፤ መቃብርም ሰውን ሁሉ በእኩልነት ያስተናግዳል። ንጉሡም፣ ደሃውም፣ ኃያሉም፣ ደካማውም ጎን ለጎን አፈር ለብሰው ይተኛሉ። በመቃብር ፊት ስምና ሥልጣን አቅም የላቸውም፤ ሀብትና ንብረት አብረው አይወርዱም፤ ውበትና ጉልበትም ከዕድሜ ጋር ይረግፋሉ። ይህ እውነት ልብን ይሰብራል፣ ዓይንን በእንባ ይሞላል። ነገር ግን መቃብር ፍጻሜ ሳይሆን ወደ ዘላለማዊ ሕይወት መሻገሪያ በር ነው። ከእኛ ጋር ወደ መቃብር የሚወርደውና በፈጣሪ ፊት ዋጋ የሚሆነን በምድር ላይ የሠራነው በጎ ሥራችን፣ ለሰዎች ያሳየነው እውነተኛ ፍቅር እና የያዝናት ቅድስት እምነታችን ብቻ ናት። "ዓለሙም ምኞቱም ያልፋሉ፤ የእግዚአብሔርን ፈቃድ የሚያደርግ ግን ለዘላለም ይኖራል።" (፩ ዮሐንስ ፪፥፲፯) ሸር ፣ repost copy link አድርጉልኝ ወንድማችሁ (((ኤፍታህ))) ነኝ #መንፈሳዊሕይወት #ምድራዊ_ሩጫ #ዘላለማዊነት #ፍቅርና_በጎነት #ኦርቶዶክስ_ተዋህዶ_ፀንታ_ለዘለዓለም_ - @.7312873