عن "الضُل" البشبهنا وعن عظمة الإختيار الصاح ••! ❤️🌏 يقولوا ليك "أبني بيتك من جوة، قبل ما تبنيهو من برة".. والبيت الحقيقي ما طوب وأسمنت، البيت هو "الزول" البتلقى عنده راحتك، الزول البخليك تحس إنك في أمان حتى لو الدنيا مكسرة حواليك. ليه الإختيار الصاح بفرق:؟ لما تختار صح، حياتك حـ تنور بجد. التعب الكان هادّ حيلك حـ يختفي، والهم الشايله فوق كتافك حـ يتوزع على اتنين. الزول الصاح هو الـ "بيعرف قيمتك" وبحترمك في غيابك قبل حضورك، ده الزول الحـ تعيش معاهو باقي عمرك وأنت مطمن وقفاك مستور. وزي ما قالت حبوبة: فتش الروح البتـشبهك.. أصلو الملامح ضُل ضحى!" (والله صدقتي يا حبوبة، الملامح بتتغير، والوش بيكبر، لكن الروح السمحة والقلب الحنين هم الـ بفضلوا طول العمر). الشريك الصح هو الـ مهما كانت ظروفه ضاغطة وهمومه جبال، بيعرف يركّن حياته على طرف عشان يركز معاك في "أدق تفاصيلك".. عشان يحسسك إنك أنت الأولوية الوحيدة في عالمه. #على_درب_الريـدة_نكـتُب الحمد لله على نعمة الناس الـ "بتشبهنا"، الناس الـ بنلقى فيهم الأمان، والونسة الطاعمة، والدفا، والحنية.. وبعد داك يجي "الحب" كتحصيل حاصل لجمال قلوبهم. يا رب قرّب لينا القلوب الحنينة، وأبعد عننا كل زول ما بيعرف قيمتنا.❤✨ الخلااصة البيت الحقيقي ما مكان، البيت هو الإنسان البديك الأمان والراحة. لذلك أهم قرار في الحياة هو اختيار شريك يشبه روحك، يقدّرك، ويحترمك، ويشاركك همومك، ويخليك أولويته. الجمال الحقيقي في القلب والروح، وما في الملامح. ولما تلقى الزول الصح، الحب بيجي طبيعي، والحياة بتكون أهدى وأجمل. لذلك اختاروا صح، واسألوا الله حلالًا يشبه أمانيكم ويملأ حياتكم سكينة وأمانًا. 💜 عشان كدا أختاروا صح اللهم حلالا يشبه أمانينا 💜💜🫂 - @ahmasalah2