@mohammadadil2062: القمري المظلل بورق الاراك كلمات : صالح عبد السيد ( أبوصلاح ) يا القمري المظلل بورق الاراك روح لي حبيبي و قولو متين اراك يا الفي قوس حواجبك ناصب لي شراك بيعك في المحاسن و الأرواح شراك يا الضارم فؤادي يا الضارب ضراك شيل النوم و رجع قلبي الطاش وراك ما الدر المنظم عقدك و الا فاك ؟ و العناب مكنتل أم خضرة شفاك ؟ عيد النظرة داوي جرح الما خفاك الصد و التدلل و الهجران كفاك يا الظبي المروقل جافل بي وداك يسكر سمعي صوتك من راحة نداك يا الكاتل عشوقك بهدل بي عداك عندك جوز قنابل في صديرك هداك يا الفرع المفرهد في روضة نداك شعرك ليل و خدك ولع نور هداك كيف ما تشيل قليبي و روحي تروح فداك و الردف المرجرج يلعب بي فداك ما الصدر المقبقب يا الضامر حشاك من ميلة ضميرك فرع البان خشاك بي سهم الرشارش جوه قليبي شاك اصلك لي ودار اعمارنا الله نشاك تايه فكري هايم في النور الملاك و من بهجة محاسنك كيف اتأملك عبد الحافظ ابشر حظك تمالك هل تدري اب عوارض إنسان أم ملاك ؟ يا المن در مخلق كيف أنظم صفاك وين نومي المعلق يا اب طرفآ غفاك عبد الحافظ أصلك نجم الحظ لفاك تيه بين السرور و اتمتع في صفاك يا جدي التمايم ظل الغيم رعاك راتع في الخمايل قانص ما سعاك كيف تصطاد قلوبنا و ما الشئ الدعاك أرجع من هزارك ، جيب قلبي المعاك .

حقيبة الفن السوداني 🇸🇩🤍🎞🍷

Open In TikTok:

Region: SD

Thursday 16 July 2026 08:06:13 GMT