@talentnexusbusiness: လစာထဲက လူမှုဖူလုံရေးထည့်ဝင်ကြေးဖြတ်ခံနေရုံနဲ့ မပြီးပါဘူး… "ဘယ်အခြေအနေတွေမှာ အကျိုးခံစားခွင့်တောင်းခံနိုင်လဲ?" ဝန်ထမ်းအများစုက လစဉ်လစာထဲက လူမှုဖူလုံရေးထည့်ဝင် ကြေး (SSB Contribution) ဖြတ်ခံနေရတာကိုသိကြပေမဲ့ "ဘာအတွက် ပြန်လည်အကျိုးခံစားခွင့် ရနိုင်တာလဲ?" ဆိုတာကိုတော့ မသိကြသေးတဲ့သူတွေများပါတယ်။ အောက်ပါအခြေအနေတွေမှာ သတ်မှတ်ချက်များနှင့်အညီ အကျိုးခံစားခွင့်လျှောက်ထားနိုင်ပါတယ်။ ✅ ဖျားနာ၍ ဆေးကုသမှုခံယူရသောအခါ (Sickness Benefit) ✅ အလုပ်ခွင်ထိခိုက်မှု သို့မဟုတ် လုပ်ငန်းခွင်မတော်တဆမှု ဖြစ်ပွားသောအခါ (Employment Injury Benefit) ✅ ကိုယ်ဝန်ဆောင်၊ မီးဖွားခြင်းနှင့် ဆက်စပ်အကျိုးခံစားခွင့်များ (Maternity Benefit) ✅ မသန်စွမ်းဖြစ်ပေါ်လာခြင်းအတွက် သတ်မှတ်ထားသော အကျိုးခံစားခွင့် (Invalidity Benefit) ✅ အာမခံထားသူ ကွယ်လွန်ပါက ကျန်ရစ်သူမိသားစုအတွက် အကျိုးခံစားခွင့် (Survivor's Benefit) SSB ထည့်ဝင်ကြေးအနေနဲ့ကတော့ လစဉ်ဝန်ထမ်းအခြေခံလစာရဲ့ ၂% ဖြတ်တောက်ပြီး အလုပ်ရှင်ဘက်မှလဲ ၃% ထည့်ဝင်ရပြီး စုစုပေါင်း ၅% ကို လူမှုဖူလုံရေးထည့်ဝင်ကြေးအ‌နေနဲ့ပေးဆောင်ရပါတယ်။ အမြင့်ဆုံးအခြေခံလစာအနေနဲ့ 300,000 ကျပ်ရဲ့ ၂% ကျပ် ၆,၀၀၀ ကျပ်ကိုသာဖြတ်တောက်ခွင့်ရှိပါတယ်။ အခြေခံလစာ 300,000 ထက်လွန်ပြီး ရရှိသူတွေအနေနဲ့လဲ အမြင့်ဆုံးလစာ 300,000 အပေါ်မှာပဲပေးဆောင်ရမှာဖြစ်ပါတယ်။ အခြေခံလစာ 300,000 အောက်ရရှိသူတွေကတော့ ရရှိတဲ့အခြေခံလစာရဲ့ ၂% ကို ထည့်ဝင်ကြေးအနေနဲ့ပေးဆောင်ရမှာဖြစ်ပါတယ်။ အရေးကြီးတာက… လူမှုဖူလုံရေးထည့်ဝင်ထားတိုင်း အလိုအလျောက် အကျိုးခံစားခွင့်ရတာ မဟုတ်ပါဘူး။ သက်ဆိုင်ရာ ဥပဒေ၊ နည်းဥပဒေများနှင့် သတ်မှတ်ထားသော အရည်အချင်းများ၊ ထည့်ဝင်ကာလနှင့် လုပ်ထုံးလုပ်နည်းများကို ပြည့်မီမှသာ လျှောက်ထားနိုင်ပါတယ်။ သင်လည်း လူမှုဖူလုံရေးထည့်ဝင်နေရင်… မိမိရဲ့ အခွင့်အရေးနဲ့ ရရှိနိုင်တဲ့ အကျိုးခံစားခွင့်တွေကို သိထားဖို့ လိုပါတယ်။ 📌 ဒီ Content ကို Share လုပ်ပြီး မသိသေးတဲ့ ဝန်ထမ်းတွေကိုလည်း အသိပေးလိုက်ပါ။ #HRInsightsByWuttYi #MyanmarHR #SocialSecurity #SSB #EmployeeRights

Talent Nexus Business Solution

Open In TikTok:

Region: MM

Thursday 16 July 2026 08:31:36 GMT