@joq: Një video e mbërritur në redaksinë tonë tregon momentin kur dy efektivë policie ndalojnë një automjet në zonën e Myslym Shyrit, pranë Gjykatës së Lartë në Tiranë. Në pamje shihet se efektivët kontrollojnë dokumentet e mjetit dhe më pas qytetari u dorëzon një shumë parash. Sipas denoncimit, bëhet fjalë për 20 mijë lekë, të dhëna në këmbim të kthimit të patentës dhe shmangies së masës administrative. Denoncuesi pretendon se bëhet fjalë për një rast korrupsioni nga punonjës të Policisë së Shtetit, duke ngritur shqetësime për raste të ngjashme ku qytetarët raportojnë se shkeljet rrugore janë falur në këmbim të parave. Mesazhi i qytetarit: "Joq përshëndetje, dy policë në zonën e Myslym Shyrit, në rrugicën e Gjykatës së Lartë, ndalojnë dy turistë dhe bëjnë korrupsion duke u marrë para. Një sjellje që na dëmton dhe tregon maskarallëkun e shtetit. Videoja tregon momentin kur marrin lekët." Agjencia e Mbikëqyrjes Policore (AMP) pritet të verifikojë pamjet dhe të dalë me një reagim zyrtar për rastin, ndërsa pritet që të merren masat përkatëse nëse konstatohen shkelje nga efektivët e përfshirë.

JOQ Albania

Open In TikTok:

Region: AL

Thursday 16 July 2026 09:03:33 GMT